🌸🍃🌾🌼 🌸🌾🌼 🌾🌼 🌼 اولا بولمز گریز به وداع حضرت سیدالشهدا علیه السلام حاج اصغر فرشچی (عدلی تبریزی) دنیا بویی مصحف اولا قرآن اولا بولمز قرآن کیمی اعجازیلی فرقان اولا بولمز مقصودخدا خلقت ابناء بشردن تسبیح وعبادتدی بوکتمان اولا بولمز عمداً نمازین قیلماسا هرکیم اولوراولسون کافردی گلوب دشمن شیطان اولا بولمز چوخ واردی مسلمان بوزمان اهل جهاندان بیر کیمسه گلوب بوذروسلمان اولا بولمز چوخلاردیَرعالمده منم عهدیمه پابند چکسن مَحَکه حافظ پیمان اولا بولمز نقّاش جهان گر چکه تصویر دل آرا زیبا اولی لیک یوسف کنعان اولا بولمز سندیرما آجی دیللریلن قلب رئوفی هر قلب که سنسا اونا درمان اولا بولمز دنیاده آتا هم آنیه ایله سن احسان قرآن بویوروب ایله بیراحسان اولا بولمز دنیایه گلوب عاشق اولان چوخدی سایولسا عشق اوسته حسین تک بلی قربان اولا بولمز چوخلار ره تقواده اولار دینینه قربان هر کیمسه گلوب شاه شهیدان اولا بولمز بیر نهضتیله مکتب اسلامی دیریتدی ثاراللَهَهَ تک دهریده بیرقان اولا بولمز باش وئردی مع الحق دئدی قرآنی دیریتدی بیر کیمسده بو قدرت ایمان اولا بولمز آزاده لیقی ائیلدی تفسیر قانیلن بیرکس بئله صاحب عنوان اولا بولمز یوزدن یوخاری پیروجوان ویردی بودینه اکبرکیمی نورس گل خندان اولابولمز بیر صود امرین ایلدی قربان الی اوسته اعلان ایلیوب عشقنی نقصان اولا بولمز اوزدی الینی ما مَلَکیندن رَهِ دینده جان بذل ایدنه بولدی که سامان اولابولمز ایلوبدی وداع سالدی یولون تا رَهِ عشقی طی ایتسون ایله بیر ره شایان اولا بولمز ایستردی گیده سسلدی زینب سنه قربان سن تک بریسی عازم میدان اولا بولمز بیر لحظه دایان امرینی اجرا ایلیوم گیت زهرا آنامون امریدی پنهان اولا بولمز ویر رخصت اخا زینبه اوپسون بوغازوندان قانه اولاسان اونداکی غلطان اولا بولمز یاز نوحه وی )عدلی( دئمه سیننیم سووشوبدی فکر ائتمه قوجالسا بیری دربان اولا بولمز 🌼🍃 🍃🌾 🍃