🌿🌸🍃🌼 🌼 🍃🌺 🌺💐 💐 رجز خوانی حضرت سیدالشهداعلیه السلام اصغر فرشچی ( عدلی تبریزی) من عرشیده نورکایناتم من فرشیده چشمۀ حیاتم من دهریده رمز ممکناتم دریاده سفینۀ نجاتم من دخت رسوله نورعینم قرآنـه اولان فـدا حسینم . . من مشرق عشقه آفتابم من نفس سلیم بوترابم من مست خُم شراب نابم گلزارعلیده من گلابم آزاده اولون یوخوزدی ایمان نوحم سالارام بو چولده طوفان . . مُصباح هُدی حَقه دلیلم اصل و نسبیمده من اصیلم عشقیمده خدایه بی عدیلم من نوحم وعیسی و خلیلم من عهد السته با وفایم قـربانی دشـت کـربـلایم . . من زادۀ مصطفی و پاکم من عزّت و آبروی خاکم من عشق یولونداسینه چاکم هر چند سووئرمسوزهلاکم من زینت عرش لا یُرایم من فرشیده رافع بلایم . . سرتاسرفرش کشوریمدی من شاه و سپهرافسریمدی قـربان منا بو اکبریمدی عباس وزیر لشکریمدی خطیم خط ذات ذوالجلالدی بیعت یزیده منده محالدی . . گلموش منیله جهاده اکبر اوچ قارداشیم عباس دلاور اول یرکی آچا عقاب حق پر نی نر اوزمان پشّۀ لاغر سیزپشّه بوچولده بیزعقابوخ یوخ واهمه نسل بو ترابوخ . . ششدانگ جهان قبالمیزدی فرهنگ شرف رساله میزدی فیض دوسرا حواله میزدی بـو الـده تَهِ پیاله میزدی بیرجرعه سینی ایچن اولارمست بوکرب و بلاده منله همدست . . (عدلی) منه ایلیوبدی خدمت نوحه یازوری تاپاندا فرصت دردین دیموری چکورخجالت عباسـه دیسم ایـدر طبابت عباسیدی دردینین دواسی هجرینده چخار گویه نواسی 🍃 🍃🌼 🌼🍃🌾 🍃🌼🍃🌺