مدح حضرت علی علیه السلام . حاج اصغرفرشچی(عدلی تبریزی) سبک: مانده ام تنهای تنها....... . اهل عالم من رقیه..... ای وجودی جود خالق ای حریمی خانۀ دل رهروان عشقه مرشد ای اولان حلّال مشکل . بُغضی ای نار جهیم و حُبّی ای فردوس اَعلا غمزۀ چشموندی بخشش مُقتداسن شاه عادل . خالقیلن خلق آرا سن واسطِیدون راد مردان لَیلِ اِسراء احمدیله سنله اُولموب پرده حایل . سن گویول ویرانه سین ایتدون خدا تک گورنه آباد سن خدا سن کیم دیسه جاهلدی اَعماء فکری باطل . شَمه ای وصفون ایدنمز بو خردمندان عالم ای جمال بی مثالی خوبرویانه شمایل . فطرت هرشیعه دورتا جام عشقوندن اولا مست سالک حق دور بو شیعه طی ایدور منزل به منزل . رهروان عشقه لازم تابع امر و مرامون ای خداوند بشر ای صاحب ایمان کامل . مدح مولا وسعت فکر ایستر «عدلی» نظمه چکسن چون سلیمانی ایدنمز وصف ایده بیر مور غافل . موسم گل نای بلبل باغلاماق چون ممکن اولماز بعضی سوز وار فکره گلمز اوزلری ایله لَّه نازل لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨