🌸🍃🌾🌼
🍃🌺🍂
🌿🍂
در مناقب حضرت علی علیه السلام
✍️ حاج اصغر فرشچی ( عدلی تبریزی)
عروة الوثقایه ای مفهوم و معنی یاعلی
سینه سی گنجینۀ قرآن گویا یا علی
بیرسنق خامه نجه یازسون سنون اجلالیوی
هاردا قطریلن اولاراحصا دریا یا علی
وصفوه ویرسا رقم دنیاده هر صاحب قلم
قورتارا بولمزنقدر واردی بو دنیا یا علی
البته الاسرایه محرم بـاب علم مصطفی
ای ولی الله اعـظـم نـفس طاها یا علی
گوئیا همراهـودون معراجیده پیغمبره
سس سنون اولدی رسوله لَیل اِسراء یا علی
سن ایاق قویدون پیمبرچگنینه ای بت شکن
خانۀ توحیدی سن ایتدون مصفا یا علی
یوخ شهامتده عدیلون نه شجاعنده نظیر
لا فتی حقینده ایلوب دور تجلّا یا علی
سن خلیل اللهی اوددان قورتاروب ایتدون رها
صدق ایمان و عمل سنده هویدا. یا علی
استعانت ایستدی سندن او موسای نبی
ظلم فرعوندان قوتولدی قوم موسی یا علی
روز محشر که شفاعت اذنینی آلدون اله
شیعوی مآیوس ایتمه جان زهرا یا علی
یوخدی قدرت( عدلیده) احصا اوصافون ایده
هاردا قطریلن اولار احصا دریا یا علی
🌾
🌼🌸
🌸🌾🌼
🌸🍃🌾🌼
💐
🌾🌼
🍃🌾🌼
🌸🍃🌾🌼