🌸🍃🌾🌼 🍃🌺🍂 🌿🍂 🌸 در نعت حضرت رسول اکرم صلی الله علیه و آله و سلم حاج اصغر فرشچی ( عدلی تبریزی) ای علت ایجاد جهان و ابدیت سنلن بوجهان واوجهان تاپدی فضلیت نورون اولالی بیت خداده متجّلی ترک ایتدی بوعالم لری هرپستی و ظلمت اولموشدی قیزی دفن ایله ماق زنده مزیت ویردون اولارا عشق و وفاداری و قیمت زنده ایلدون فکربشر ایرمی اوچ ایلده ویردون نه گوزل امّت اسلامه شرافت وحی اولموشودی آیه به آیه سنه قرآن قرآنی تمام ایلموسن خلقه تلاوت اول مکتب عرفانیده شاگرد الفبا استادو ادیباندی هامی بحرصداقت شاگرد دبستانون اولوب حیدرکرار احسن بیله مکتب بیله شاگرد وکتابت سن علمه مدینه او علومه علی بیر باب اول پایۀ علمه هامی اقشار قالی حیرت بیرپرده فقط مانع اولوب دورشب معراج اونلاسن آرامن نه دیوم راز نبوت سن بنده گیلیقدا ایله دون معبودی راضی عمرون باشاباش ایتدون عبادت هم اطاعت بس شأنیوه بو فاطمه تک بیرقیزون اولدی اونلا ایلیوب خلقه خدا لطف وکرامت ای خالق عالی وعلی احمد و محمود (عدلی) گوره تا بیرده بقیع ایله عنایت 🌸 🍃🍂 🍃🌺🍂 🌸🍃🌾🌼