🌿🌸🍃 🌸🍃 زبانحال حضرت امام حسین علیه السلام استقبال از ۵ بیت. یادگاری مرحوم استاد مشکات تبریزی: ای اهلِ خیمه ، خیمیه مهمان گتورموشم پشواز ایدون که یوسفِ کنعان گتورموشم لیلا نچون داخی چکوری انتظارِ وصل گلسون که دردِ هجرینه درمان گتورموشم میدانه یوزقویاندا یوخیدی جراحتی ایمدی گلون که قانینه غلطان گتورموشم شکرایلرم بوچولده کی منده خلیل تک کوی وفایه بیربئله قربان گتورموشم امّتدن اوتری وئرموشم اکبر جوانیمی اخلاصیله شفاعت ایچون جان گتورموشم الیاس ملک پور: گول جسمی دوغرانوبدی عبا ایچره یغمشام صرّاف عشقه لوء لوءو مرجان گتورموشم قانلی عباده بی سر وساماندی پیکری خیمه سراده وئرماقا سامان گتورموشم سانسیزیارا ویریبلا بالام پاره پاره دی علت اودورعباده پریشان گتورموشم حاج محمدتقی جابری: اوراق اولوبدی اَحسَن تقویم هیکلی قانلی عبا دولوسوجا قرآن گتورموشم ذِبح عَظیم آیۀ سینه نَصّ دور بالام اولموش قبول ِ درگهِ مَنّان گتورموشم رضا غلامپور( دلپاک): اولدوزلاریم گلین کی گونورتا زمانی من بو چرخ حقّه بیر مه تابان گتورموشم بو گل کی ییغمیشام طبقه،نه ملالیله الله بولور ای اهل گلستان گتورموشم بو عرصهٔ ملالیده جاندان دویانلارا جانان یولوندا جان وئرنی جان گتورموشم نه الده واردی بیر دم امانیم نه دلده وار الده علینی دلده چون افغان گتورموشم استاد محمدرضا بحری: ظاهرده بیرعبا دولوسی پاره پاره‌ تن باطن‌ده عشق پیکرینه،جان گتورموشم تا داغلی سینه‌ مین سیزه داغین نشان وئرم خیمه ‌سرایه لالۀ نعمان گتورموشم شوق وصال یارآلوب اختیاریمی بارگرانی گورنجه آسان گتورموشم دیباچۀ شهادت آل پیمره کرب‌وبلاده احسنِ عنوان گتورموشم نقش و نگار باغ شهادت آزالماسین شبرنگ طره ‌سینده قیزیل قان گتورموشم اللهُ نورآیه‌ سینین کلمه کلمه‌ سین ! یردن ییغوب چراغ شبستان گتورموشم پامال ظلم ‌دن کیچیلن بیرجنازه‌نی سرمایه‌ی حیاتیمه نقصان گتورموشم قان لخته‌ سین شکنج چلیپای زلف ده شرح دل پریشیمه برهان گتورموشم باش یاره ‌سیندن آخدیقی قانی عجالتاَ شمع عزای شام غریبان گتورموشم بی‌پرده جلوه ائیلوری الله لم ‌یزل از بس بو دشته آینه ‌بندان گتورموشم بیر آینه بوییدی سینوب شوق جلوه‌دن آیینه پاره‌سین ییغوب الان گتورموشم ممسوس ذات حقدی، تجلای خاص‌دن مدهوش، عین زادۀ عمران گتورموشم میدان دئمه بو دشته که میقات وصل دور سینایه کربلائیله رجحان گتورموشم محمدرضا صادقی( شیدا): لیلانی با خبرائلیون شرح و حالینه آلسین گلِ ریاضینی خندان گتورموشم گورسون منای معرفت ذوالجلالیدن قانلی عباده تحفۀ شایان گتورموشم بیرده اوجادان آغلامیون اشقیا گولر ائیلوب فراقی قلبیمی شان شان گتورموشم قان آغلاساز اگر یری وار قانلی نعشینه خیمه سرایه نعشینی گریان گتورموشم هاشم خیری درگاه ذوالجلال جلیل مجلله بو مه جمالی فدیۀ جانان گتورمیشم انسان قوجالسا اوغلی الینده عصا اولار اوغلوم اولوبدی قدیمی چوگان گتورموشم اصغر گل‌محمدی (دلجو) بیع و شرای عشقیده بوش اولماسین الیم بازارِ عشقه لعلِ بدخشان گتورموشم من ساتدیم الله آلدی بو ارزنده گوهری یئتدی تمامه عهدیله پیمان، گتورموشم حاج اصغر فرشچی (عدلی تبریزی) مندن سوایستدی من سو‌تاپانادیم مست می ولایتی عطشان گتورموشم دوشنبه ۱۰ اردیبهشت ماه ۱۴۰۳ در ادامۀ اشعار مرحوم مشکات تبریزی جمعی از شعرای بوستان شعر و ادب تبریز 🌼 🌾🌼 🌼 🌾🌼 🍃🌿🌸 🌾