🌸🍃🌾🌼 🍃🌺🍂 🌿🍂 💐 مناقب امام جواد ( علیه السلام،) شخصیتونده عقل ئوزی حیراندی یا جواد جانلار سنون  جلالیوه  قرباندی یا جواد ای حشمت وجلالیده مرآت لم یزل سنده  خدا جلالی نمایاندی یاجواد اِبنُ الرّضا  سلالۀ  پاک محمّدی        شمسُ الشّموس آتان بیزه سلطاندی یاجواد احسن جلالیوه سنون اُول پاک مرقدون مرآت عرش خالق  سبحاندی  یا جواد مشکات نورحقدی جمال منوّرون برج ولاده بدردرخشاندی یاجواد در گاه اقدسون بیزه باب المراد دور هربیرمریض دردینه درماندی یا جواد هرکس گله خلوصیله درگاه پاکوزه لطفوزله موراولسا، سلیماندی یاجواد بانو سبیکه دور سنه  مادر نهادی  پاک موسی الرضا آتان بیزه جاناندی یا جواد « ابن الرضا» گوزل آدیوا  جانیمیز فدا عاشق سنون جلالیوه  ایراندی یا جواد هرکیم گله سنین قاپوا روسفید اولار مشکل سنین قاپوندا چوخ آساندی یا جواد مدح و جلالتون یازا یوخ کیمسده توان احسن دیین سنه حق رحماندی یا جواد سیز مظهر تجلّی  رَبّ الجواد سیز شاهلار سیزین بو درگهه درباندی یا جواد ای معنیِ حقیقیِ لطف و عطا و جود هرلحظه عادتون سنون احساندی یاجواد ذی جود اولوب متاع وجودیز دو عالمه چوخلار عقیق لطفوزه عطشاندی یا جواد ای نهمین ولیّ خداوند ذوالجلال احسان و جود سنده نمایاندی  یا جواد یئدّی یاشوندا چاتدون امامت مقامینه اثبات مهدویته  برهاندی  یا جواد گوندن ایشیق جمالیوه عاشقدی شیعه لر عقل سلیم  ،عشقیوه  حیراندی یا جواد اولماخ سیزین قاپیزدا《ذراعیه بالوصید》 خواجه نصیر تک بیزه عنوادی یا جواد باب الجوادیدن حرمه کیم گلوب گئده فوج ملک گورر ، سنه در باندی یا جواد یحیی بن اکسم ایتدی حضورونده بیر سوال عالی جوابیوه هله حیراندی  یا جواد سن کَهفِ اَمنِ جود و کَرَمسن اینانمیشام سیز اولماساز جهان بیزه زنداندی یا جواد عشق عالمینده  سیر ائدرم کاظمین ده روحیم حریم عشقیوه مهماندی یا جواد ای آسمان دینه اولان ماه پر فروغ دنیا  وجودیویله درخشاندی یا جواد طوبا جلالیوه که همیشه، ملائکه درگاه اقدسونده نگهباندی یا جواد باب المراد منصبی حقدن سیزه یتوب لطفوز  تمام خلقه  نمایان دی یا جواد معنا ائدنده آدیوی معلوم اولور سنه جود وکرمده دست به داماندی یا جواد بعد از امام  ثامن  امت  امامتون هرشیعیه علامت ایماندی یاجواد حاتم سنون کرامتیوه گوز تیکوب آقا سائل قاپوندا جمله کریماندی یا جواد قوربان اولوم جلالتیوه کاظمینیده چون چلچراغ نوری نمایاندی یاجواد موسی ده گلسه جودیوه مولانیازی وار بونوکروز قاپوزدا نواخواندی یاجواد قربان سنه آقا  نظر ائت اهل غزّیه عالم دوشوب تلاطمه طوفاندی یا جواد فیض ولادتون سند رهبریتِ سلطان ارض قدس خراساندی یاجواد شمس الشموسین اوغلی سنون مدحووه قلم شاعرلرین  الینده  غزل خواندی یا جواد بیر بیت وصفیزی یازا کیم عشقیلن یقین روز جزاده اجرتی رضواندی یا جواد جود خدا آدوندا سنون جلوه گردی چون علّت اودورکی سفره میز الواندی یاجواد مدحون نئجه ائدوم اولاشایسته سیزلره مدّاح واقعی سیزه قرآندی یا جواد قاصر لسان الکن و  منقوص واژه لر اندیشه لر بو وصفه پریشاندی یا جواد شهر کرامتونده یئتر آرزوسینه سائللری که بی سرو ساماندی یاجواد بیر بی‌کسم که نقطۀ جیم ِ جواد تک سیزدن یاپیشموشام، ئورگیم قاندی یا جواد وصفونده دور اگر چه سوز اما یانان دلون فرمایش ایله ایمدیده عطشاندی یا جواد؟ حاتم باخاندا جودووه یابن الرّضا یقین درس سخایه طفل دبستاندی یا جواد جدون حسینه تای سوسوز ئولدون زمانه ده چوخ قلبیلر بو بارده   سوزاندی  یا  جواد الده سو جامی ویرمدی سو همسرون سنه باخدون سوسوز سووا جگرون یاندی یا جواد قربان اولوم او قلبه کی هم زهریلن یانوب همده عطشدن اؤد دوتوب اؤدلاندی یا جواد دائم سنون مصیبتووه آغلارام  ولی کرب و بلا غمینده ئورک قاندی یا جواد مَحرم الیله یاندی سنون قلب اطهرون معناده  فاطمه سنه گریاندی یا جواد اُولدوردی همسرون سنی،امّاربابه باخ جدّون حسینه ایندیده نالاندی یاجواد بئیله گلور خیاله اوکان وفا رباب آغلورحسینه پیشه سی افغاندی یاجواد گاهی حسینه آغلوری گاهی بالاسینا آه و نواسی گویلره قوزاندی یاجواد مجری طرح گروه تخصصی مجمع الذاکرین تبریز به قلم شاعران فرهیخته و دلسوختۀ گروه با مدیریت جناب آقای حاج محمد تقی جابری پنجشنبه دهم خرداد ماه 1403 شمسی 🌸🍃🌾🌼