🌸🍃🌾🌼 🍃🌺🍂 🌿🍂 💐 ورود به کربلای معلا زبانحال حضرت امام حسین علیه السلام حاج اصغر فرشچی ( عدلی تبریزی) من یتیشدیم مقصده بو یرده مأوا ایلرم جانمی جانانیلن بوچولده سودا ایلرم بوزمین کربلادی توپرا قوندا جذبه وار یار و انصاریمله من بویرده سکنا ایلرم من بودشتی عشقیمیله ایلرم بازارعشق منزل آخردی بوردا خیمه برپا ایلرم حَجّیمی تکمیل ایدم یتمیش ایکی قربان واریم ذبح اعظم قانینه بو دشتی دریا ایلرم دست بیعت ویرمرم ویررم بویرده باشیمی نقشیمی قـرآن و دینه یاخشی ایفا ایلرم دشمنیم ایسترمنی گورسون خمیده قدباجی مـن خمیـده قـدیمی آلله یانـونـدا ایلرم ماسواللهدن گچوب باش اگمرم ظالم لره موبمو قرآنون حکمون بوردا اجرا ایلرم قبل عاشورا باجی جمع ایلرم یارانیمی بی وفـانی بـا وفـادن فعله منها ایلرم تـا اولا اتمام حجّت مـن امام بـر حقم من کیمون نسلیندنم قومه هویدا ایلرم سـویلرم احـمـدی جدیم حیدر کرار آتام کیم آنامدی فاطمه هم ذکر زهرا ایلرم اصغری آللام قوجاقه الده بیرقران دوتوب روبـرو دشمـنـله اوللام سو تمنا ایلرم سوویرولمزلیک آتاردین دشمنی تیرسه پر شیرخواریم جان ویررمنده تماشا ایلرم جانویرن لحظه گولرگویا دیرممنون بابا من دوزوم لفظین جهانه اوردامعنا ایلرم بیرگلستان گل گتوردوم بوردا پرپراولماقا هرگولوم قربان دین غنچمده غوغا ایلرم بویرین توپراقینا قانیم منیم ارزش ویرر دردمـنـدانـه بـو یـرده مـن مـداوا ایلرم (عدلی) تک کیم گلسه خدمت ایتماقا درگاهیمه دفترعشقه آدین من ثبت وامضا ایلرم 🌾 🌾🌼 🍃🌾🌼 🌸🍃🌾🌼