‍#بوم_سر_کوتر_کجه_بوردی #در_فراق_دختر_دلگویه_مازنی 🕊🏴🕊🏴🕊🏴🕊🏴 بُومِ سرِ کوتِر کِجه بُوردی مره غِصّه بکوشته مه عزیزِ دِتِر کِجه بُوردی مره غِصّه بکوشته تِه که بُوردی مه خِنِه سو بُورده تِکِ خنده و چِشِ خو بُورده تِه که بُوردی مِره دَم دَنیّه مِه وِر بَدتر ازاین غم دَنیّه بَیمه اَسیرِ درده بی درمون اَتا چِش اَسری وارمه اَتا خون آ مِه خوارِ کیجا من تِه قروون بَمِردِبوم تِه جا من تِه قروون تِه مِه دَم ونفس ومِه جان بی سِک وسوی مجلسِ قرآن بی میس بَزه پیازه مونّه مِه چِش روز وشو تِوسّه وارنه وارش از دلتنگی مِه دل بَیّه پاره تِره چِتی بَوینِم دواره از روزی که بَدی داغ بابا بَمیرم تِه جا نِساته دنیا یاد اِنه مِه دِتِره صمیمی گِتی سخته جانِ مار یتیمی مجلسِ اَهل بیتّه صفا بی عاشقِ جانِ امام رضا بی فَلَک مِه دَم و نفسِ بَیتِه صفای مجلسِ اهل بِیته تِه خواسّی از رقیه بَخونّم از اون که دق مرگ بَیّه بَخونّم تِه که بُوردی مه وِر تازه بَیّه داغِ خــــرابـــه داغِ رقــــیه الــهی بــا شـاه عــالمـینی بــا رقـیه ی امـام حسینی جانِ دِتِر تِه غم چَنّه سَخته تِه بُوردی مِه بَمردنِ وقته دِتِر ازبس تِه غم هَسّه جانکاه بَسوته مِه دل و دلِ «مداح» 🕊🏴🕊🏴🕊🏴🕊🏴 شعر:علی اکبراسفندیار«مداح» 🎙اجرای سبک:علی اکبراسفندیار @aliakbar_esfandiar_madah