نوحه وفات حضرت ام البنین شاعر : مرتضی اسکندری( ساعد) زنجانئ سبک : یخیلدی سقا یره #ارسالی از سعادتی قم المقدس ## ام البنین جان ویرور باشی ماجرالیدی دورد اوغلی بیردن ئولوب سینه دن یارالیدی گوزلری یولدادی آغلیور یواش یواش هی دیوردورد اوغولدان بیری گلیدی کاش باد صبا سال یولون کربلا مناسینه اعلان ایله ساقی دشت نینواسینه عباسیمه ویر خبر جان ویرور غریب آنون زینت ویرن یوخ اونون مجلس عزاسینه بیر نفر یوخدی بو غمده سینه داغلاسون جان ویرنده منیم گوزلریمی باغلاسون اوندا که دورد اوغلومی کربلایی یولادیم دوشسون رقیه باشی اوسته سایه یولادیم زینب دیور ذبح اولوب کربلاده باشلاری فخریم بودور دورد اوغول بو منایه یولادیم ایندی ایللردی عباسیدن آرالیام گوزلریم یولدادی سینه دن یارالیام ام البنینم ولی بی بنینم ایندی من اوغلانلاریم جان ویروب دلغمینم ایندی من دورد اوغلوما قازمشام دورد خیالی قبر ئوزوم روح ابالفضلیله همنشینم ایندی من آرزوم وار گل یاسیمی گورم ئولم لااقل بیر یول عباسیمی گورم ئولم ام البنینم غمیم آسمانی آغلادار آهیم اوجالسا دل کهکشانی آغلادار شرح ایلسم من اگر غملی داستانیمی بیگانه نی آغلادار آشنانی آغلادار ابتدا باشیمی دورد اوغول اوجاتدیلار گیتدیلر دوردی بیردن منی قوجاتدیلار 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛