مدح حضرت علی علیه السلام ## #ارسالی از سعادتی قم المقدس ## حاج اصغر فرشچی (عدلی تبریزی) ای وجودی عالم امکانه امکان یا علی دارکونه کون فکاندا اصل ارکان یاعلی . . ای وجودی منبع فیض عالمه نَهج هُدا ای سریر علمده اعجوبۀ معجز نَما شأنیوه قرآندا آیه انّما هم قل کفی ای وصِّی مصطفی و شاه مردان یاعلی . . نورونی سندن ایدر ماه و کواکب اکتساب نورونی سندن آلبدور ماهتاب و آفتاب درس عرفان سندن آلدی بوجهاندا شیخ و شاب مکتب عرفاندا سنسن گوهر افشان یا علی . . ای اولان لعل لبینده کلمه لر درّ صدف قدرت الله ، ای ولی الله و دریای شرف کلّ موجوداته رهبر مرتضی شاه نجف ای وجودی عرشه لنگر مهر رخشان یاعلی . . تشنۀ بامون کواکب ایستر اولسون کامکار تشنۀ جامون ملک لرعشقون اوستونده خمار عشقه باخ گلزاریده گل لرایدرشبنم نثار سن نسیم رحمت و ابر بهاران یا علی . . باب خیبر همتونله قوزانوب اولدی خراب سن کمال تربیتده آدلانوبسان بوتراب کشور علم اولدی خاتم سن او علمه فتح باب محضرونده عالمان طفل دبستان یا علی . . گورمیوبدی سنکیمی سلطانی چشم روزگار حقه مظهر ذکری اکبرالده اولسون ذولفقار دین وقرآنه نماز اوستونده ویرسون اعتبار صدری مکتوبه اولان آیات قرآن یا علی . . عاشق خلّاق عالم عشقیده کامل عیار مکتب توحیدیده ای صاحب عزّ و وقار قدرته دارا ولیکن همّ و غمده برد بار مخزن اسرار غیب و ظلّ سبحان یا علی . . یا علی هر قلبیده حُبّون سر سوزن اولار پرتو مهرون اونی تکثیر ایدر مخزن اولار قبرایوینده هول محشردن او قلب ایمن اولار بُغضی ای نار جهنّم حبّی رضوان یا علی . . اصل خلقتده بساط عالمون انشاسی سن وصف ایدوب قرآن سنی، والشمسینین معناسی سن عرش و فرشین کون و امکانین درُ یکتاسی سن مطلع انوار قدرت ماه تابان یا علی . . ای نجفده بارگاهی رشک فردوس برین ای ولی الله اعظم ای امیرالمؤمنین ای که مداحی اونون قرآندا رب العالمین قبریوون مشتاقینه بیر ایله احسان یا علی . . ای ویرن قانی نماز اوسته بواسلامه رواج ای اولان اون بیر بالاسی شرع و قرآنه سراج (عدلینین ) دردی بویوکدی ایستوری سندن علاج ای سخا مولکونده سلطان رکن ایمان یا علی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛