سو نعمتی خالق یاراتدی هر نه‌ یه دنیاده سر، سویو سرچشمه ی حیاته ائدیب مفتخر سویو بیل قدرینی بو نعمته شکر ائیله ای بشر بیر قطره ده مواظب اول ائتمه هدر سویو کفران نعمت اولسا یقین ال چیخار بوشا بیر گون اولار که آختارا سان در به در سویو سو اولماسا چمن سارالار گول خزان اولار باغبان صفا دالیجا گزنده، گزر سویو هر نه گوزلیک اولسا کوکی باغلیدیر سویا عالمده آختاریر بشر هر خیر و شر، سویو الله یاراتدی چشمه لری دومدوری شیرین افسوس ائدیر بشر اوز الیلن زهر سویی انصاف دگیل بیر عده سوسوزدان هارای چکه بیر عده باغلاسین چوله شام و سحر سویو بوللوقدا قدرینی بیله سن یوخسا گور نئجه اورمو (ارومیه)گولو جان اوسته هارایلیر بتر سویو آیدین دیر هیچ بو تزلیقا تاپماز گوزللیقین نامرد الی بولاقدا بولاندیرسا گر سویو بیلمم نه دور سبب که خیال نگاریله مدهوش اولار اورک نه زامان کی ایچر سویو #هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛