شهادت حضرت امام حسن عسکری علیه السلام به قلم کربلایی صابر ثمودی سبک عروسم باشیما کوللر الندی 🏴🏴🏴 سامرا غرق عزادی اوجالان عرشه نوادی بیر غریب جان وئرور اوردا مظهر ذات خدادی واگیر بو غمده سینه سین فاطمه داغلار حجت بن الحسن آغلار 🏴🏴🏴 عالمی چولقالیوب غم عالم آغلور آدم آغلور عرشین اهلی فرشین اهلی اولدی غرق ماتم آغلور حضرت زهرا دوتوب یاس حیدر آغلور خانم آغلور بوغمده سینه سین فاطمه داغلار حجت بن الحسن آغلار 🏴🏴🏴 مُعتمَد بیر ستم ائتدی یاندیروب کلّ جهانی زهریلن ایلدی مسموم رهبر ِ کون و مکانی بش یاشیندا قویوب آغلار صاحب عصر و زمانی بوغمده سینه سین فاطمه داغلار حجت بن الحسن آغلار 🏴🏴🏴 زهر کین قویدی نه حاله شیعه لر مظلوم امامی جگرین پارچالیبدور داخی قالموبدی  دَوامی یخیلیب بستر مرگه یُوخدی حالِ قیامی بو غمده سینه سین فاطمه داغلار حجت بن الحسن آغلار 🏴🏴🏴 زهر کینه اثریندن ائله سینه آلیشوردی گوز یاشیلان اورگیندن او آخان قان قاریشوردی الی قالمیشدی اورکده اللهیلن دانیشوردی بوغمده سینه سین فاطمه داغلار حجت بن الحسن آغلار 🏴🏴🏴 عرض ائدردی منیم الله قبول بو دُعامی باشیم اوسته ئوزون الله یئتور الساعه بالامی حضرت مهدی موعود گَله تا دوتسون عزامی بو غمده سینه سین فاطمه داغلار حجت بن الحسن آغلار 🏴🏴🏴 سسلنور هارداسان اوغلوم جگریم پارچالانوب گل بو اورگ مُلکونه اوغلوم نئجه گور غم قالانوب گل سنی گورمَکلیقا اوغلوم ائله صبریم جالانوب گل بو غمده سینه سین فاطمه داغلار حجت بن الحسن آغلار 🏴🏴🏴 گلدی بالینِ امامه حضرت مهدی او ساعت باشین آلدی دیزی اوسته مفخر برج امامت بابا وای سسلیور ای وای آغلوری کان عطوفت بو غمده سینه سین فاطمه داغلار حجت بن الحسن آغلار 🏴🏴🏴 گوزون آچ اوغلوا بیر باخ باشون اوسته سینه داغلور بو غمونده محنونده سینه داغلور یانور آغلور بش یاشیندا نئجه باخ گور بو نگارین قره باغلور بوغمده سینه سین فاطمه داغلار حجت بن الحسن آغلار 🏴🏴🏴 بیردن حضرت گوزون آچدی دئدی عطشانم آی اوغلوم منی سیراب ائده بیلسن سینه سوزانم آی اوغلوم بیر نئچه لحظه نگاریم سنه مهمانم آی اوغلوم بو غمده سینه سین فاطمه داغلار حجت بن الحسن آغلار 🏴🏴🏴 حضرت مهدی سو وئردی ئوپدی عطشان دوداقیندان آتا سو ایچدی او دمده ئوپدی اوغلون یاناقیندان کربلا سویی امّا کسدیلر ئوز قوناقیندان بو غمده سینه سین فاطمه داغلار حجت بن الحسن آغلار 🏴🏴🏴 نئجه حسرتله فراته فاطمه اوغلی باخوردی تشنه دی قتلگه ایچره بدنین قانی آ خوردی گون قیزیشدوردی هوانی او چوله ایستی شاخوردی بو غمد سینه سین فاطمه داغلار حجت بن الحسن آغلار 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛