‍ ‍ سلام عرض کمه خدمت عزیزون همه همشهریون خاخور برارون امشو چلی شوه دونی همتون خوش بو چلی شوه و وی شونشیرون امشو رسمه ازون قدیم ندیمون همه شونه خونه ی گته آقاجون دایی و دایزنو دایی وچاکن خالک و عمه و عامو زناکن گته عامو ببا خاخور برارون گته دایجون همی ب نقل گنه عامو دی تعریف کنه از اون قدیمون ننه دی نیشتنه سماوری پا تا چایی دم کنن چایی اعلا همه ی کرسی سره نعمت فراون کدی تیم و انار و سیف و کشمیش توت و جوز دله پسته ی خندون آقاجون گیرنه یک فال حافظ همه خنده کنه از دل و از جون موما چایی اورنه دبش و خوشرنگ کرسی سر دی کته ردیف قندونون وچان دی کای کنه اون دور و اطراف همشون هستنه شادون و خندون الهی که همتون ساق و سالم کنار خودتونی همه عزیزون پیر و مار و فامیل و وچاکن سالونی سال دبین با یک دل خوش سلامت بین شما و شمی عزیزون عزیزونی که اشونی جا خالیه بشینه به رحمت خدای سبحون خدا اشونه بیامرزه به حق قرآن شهناز سلطانیان دیزان   کانال خبری دیزان https://eitaa.com/dizanian