💠 چار فصل ▫️اون قدیم که هواشناسی دَنیویئه اَمه گت تِرا خاشه تجربه یا بُووِر(باور) په آب و هوا ره پیش وینی کاردنه. ▫️یتا باوری که اما هزارجریبی ها دارمی این هسته که چار روز اَبِّل بهار ره نماد چهار فصل دومبی، یعنی اول فروردین بهار، دوم تابستون، سوم پَئیز وچهارم زمستُون هسته. 📌اگر عیید روز هوا اِفتاب بووشه گومبی امسال بهار هوا خاشی کانده، اگه وارش بوئه معتقد هستمی بهار وارشی هسته و زِرات و علف خاجیره وونه. 📌اَمرو سه روز بهار بُورده، اِسا که سومین روز بهار ماهِ ۱۴٠۳دله دویمی و هوا هم آفتابی بییه، طبق اَمه آیین "پئیز " هسته و نشون دِنه که امسال پئیز هوا صاف و اِفتابی هسته و دِقون (دهقان) بِتوُنده خاجیره کشت و کار داره. چهارم فروردین زمستون هَسته و چار فصل تِمُوم وونه. 📌شاید این تی باور خله ریشه ی علمی نِداره ولی امیدی بییه که آینده جه داشتنه و خله وقتا وِشون دلِ اَرمون برقرار بییه. ✍️نجما نجّار 📸جواد فدایی نیا _زنگت علیا 🌐http://mohsendadashpour2021.blogfa.com/post/2510 ─═༅𖣔❅ ⃟ ⃟ 📚 ⃟ ⃟ ❅𖣔༅═─ 💥#پژوهش_ادملاوند @edmolavand ﷽ #آوات_قلمܐܡܝܕ 📡✦‎‌‌‌࿐჻ᭂ🇮🇷࿐჻𖣔༅═─