الدن توتانیم یوخدی نگارا توت الیمدن قویما بو حرمخانه ده دیوانه یخیلسین   یوخ ذره هراسیم یخیلام من یخیلاندا قورخوم بودی میخانه ده پیمانه یخیلسین   دیوانه کونول مستیدی صهبای بلادن پای خما لازمدی که مستانه یخیلسین   میخانه نی میخانه ائدن یاریدی ساقی یار اولماسا میخانه ده میخانه یخیلسین   میخانیه دیوانه ده یوخ ذره تزلزل عالمده گرک خانه ی بیگانه یخیلسین   رند ازله عربده جو اولدی قلندر رندانه گرک رندیله رندانه یخیلسین   ای ملک خراباتی خرابات ائلیین شه گل قویما خراباتیده جانانه یخیلسین   میخانه ده بیر ذکر جلی مرد فکن دور ذکر اهلی گرک ذکرده مردانه یخیلسین   میخانه دواخانه دی جمع فقرایه گل گل صنما قویما دواخانه یخیلسین   (شبگیری) ائدیب خانه نشین خانه سی ویران راضی دگولم خانه سی ویرانه یخیلسین