‍ #امشو_مره_ای_کردگار_به_مرتض... #مناجات_مازندرانی 🤲🌴🤲🌴🤲🌴🤲🌴 اَمشومره ای کردگار، به مرتضی علی ببخش یا حضرت پروردگار، به مرتضی علی ببخش بــی کـس و بــی پــناهـمه ،اَتــا کــوه گــناهـمه تِه کَرَم هَسّه بیشمار،به مرتضی علی ببخش هرچه خطا هاکردمه، به خودجفا هاکردمه هی از تِه کِردمه فرار،به مرتضی علی ببخش هَمش تِه جاجدابِیمه،هرمجلس گناه شیمه تِه پَلی نارمه اعتبار، به مرتضی علی ببخش خدا خدا خدا خدا، هَسّه مِه کار همه ریا نَدومّه هاکنم چیکار،به مرتضی علی ببخش تِه جاکه بَـوّم روبـرو، تِه پیش ندارمه آبـرو مِه گناه ره مِه رونِیار،به مرتضی علی ببخش بِعین همه پیروجوون،هم یتیمون شهیدون بَوّیم خدا هزار هزار، به مرتضی علی ببخش تـا بَهُوتی «لٰاتَقْنَطو مِنْ رَحْمَتَ الله» بِمومِه بَیمه دیگه امیدوار، به مرتضی علی ببخش دنبـال بَهـونه دری، تـا از مِـه خطـا بگـذری مهـربون آفـریدگار، بـه مرتضی علی ببخش خدایا بـه حـقِ رسول، تِـره بـه زهـرای بتـول اِساکه دَرمه زَمّه زار،به مرتضی علی ببخش بحق عباس وحسن،هم به حسین بی کفن بحُرّمَت این سه بِرار،به مرتضی علی ببخش به لحظه ای که خیمگاه،پُربَیّه ازشیوَن وآه ذوالجناح بِموبی سوار،به مرتضی علی ببخش بـه سـوز دل زینبین، بـه آه وَچــونِ حسین به ناله ی حسینِ ماٰر،به مرتضی علی ببخش «مداح»دلشکسته ره،ازبارعصیان خَسّه ره خدابحقِ هَشت وچار،به مرتضی علی ببخش 🤲🌴🤲🌴🤲🌴🤲🌴 شعر:علی اکبراسفندیار«مداح» #کانال_نوحه_یازینب_سلام_الله_علیها