روضه طشت گذاری احوالات حضرت ابوالفضل(ع) دیون مریضلره یاسی باشلانوب آقامون شفاسین ایسته سه گر بزم ماتمه گلسون آچوب مطبین آقام چوخلارا شفا ویره جک گلون هامیا رایگان دوا ویره جک ای دردی اولان ترک المه دارالشفانی بیر آه چکوب صدقیله سسله بو آقانی آند اولسون حسین جانینه مطلب ویرر آنی آچ حاجت الون سن الیوی بوش یولا سالماز عباس اتگیندن یاپشان تنگیده قالماز گنه دویدوم آقامون رحمت و احسان قاپوسون اله بیر حاجی دویور کعبه ده جانان قاپوسون نجه سائل دویر امیدیله سلطان قاپوسون منده مولا قاپوسون صدقیله هر ایل چالام دیلده هر حاجتیم اولسا ننه سیندن آلام آی حسینون ننه سی ترد ایلیوب خار المه قاپوون سائلیم سائل بازار المه هیچ کسی بوش یولا سالماز کرمی دریادی خولینون همسرینه لطف الین زهرادی قلبیمون لاله آمالی سولاندا گلرم سینه مون ساغرینه غصه دولاندا گلرم گتمرم آیری یره دردیم اولاندا گلرم گنه قلبیم دولی دردیله سخلدیم قاپوا سنی زینب جانی سندرما یخلدیم قاپوا سینه سین اوخ کیمی مسمار یاران زهراسن پشت درده یخلوب قان آپاران زهراسن حیدری دشمن الیندن قوتاران زهراسن (اوچ یوز نفر توکولوب علینین قاپسنا گوردیلر بیر ال گلیر آچن قولون عمواوغلومون) گوزلریم چوخ کرم و لطفوی گورموشدی خانم او سنان الره بیر یولدا ایشیم دوشدی خانم بو سنان ال نچه السیز لر الیندن یاپشوب قاپسندا قوجالان نوکر الیندن یاپشوب عاجزین چاره سیزین یکسر الیندن یاپشوب نجه ال دی قامتی بار غم آتدا ایلن زهرادی علقم اوسته الی پهلوده گلن زهرادی (اگر دردون وار بو گجه یاپوش خانمن اتگیندن شاید خانمی دعوت الیسن ، نجه گلدی علقم اوسته گوردی بیر یارالی اله دولانور ) گوزلرین قان بوریوب مرکبی ویلان دولانور (آی بو گجه ابوالفضل قاپسینا گلن ) علقم اوسته الی پهلوده گلن زهرادی گلدی بیر السیزی الرده گوروب ایتدی کمک دیدی من فاطمیه ام مالک مخلوع فدک سن ایچون ای مه بشکسته بو سینمدی فلک او سنان باشیوه یر گوی اولا باهم قربان آنوین یاره سینه یاره لی سینم قربان یوخدی ننون یانندا اوغول من سنون ننون زلفومله باغلارام یاراوی معجر اولماسا ئوز آنون بوردا دیور من آنوام آچ گوزوی گورمیورسن منی چون قان بورویوبدی گوزوی آچمشام قولاریمی سینمه تئز سال ئوزوی بیر الیم سنسادا بیر سالم الیم کی هله وار الرین یوخدی یخلسان یره جسمین داغلار پیکر اطهریوین یاره لری چوخدی سنون ایکی قولدان بدنونده بیریسی یوخدی سنون اوجا یردن دوشه کیم الره امیدی گیدر یخلاندا یوزی اوسته الینه تکیه ایدر بئله دوشسن یره سن عالم اولار شبنویوه دیه بولمز سنون احوالیوی زینب ننوه فاطمه گلدی بویوردی سن دل آراسن بالا معنی عبدی أطعنی یار مولاسن بالا پس نیه خالیدی مشکون سن کی سقا سن بالا گوروم آنون کیمی قلبیم کیمی عالم سنسون کیم سنون سنماقیوی ایتدی فراهم سنسون ئوزوی سینمه سال سنسادا سینم سنسون دیدی سنان قولوا قولاریم گوزوم قربان او قول کی مندن اولوبدی جدا حسینوندی آغردی وزنیم آنا سنده سینه دن یارالی چکیل کنار غم اولسا دوتا حسینوندی حریم کعبه دی قوی سجده گاهیم اوسته دوشوم فدا قانیلا بویانمش منا حسینوندی نقدر وار نفسیم صاق صولا گرک سورونم زمین شوره ده اولسا بورا حسینوندی نه خجز نه عمود گلنده رد ایلدیم دیدیم دیون هارا دیسوز یارا حسینوندی اورگیمه ساری هر نیزه گلدی گلمه دیدیم گوزوم قولوم سیزین اولسون بورا حسینوندی او چالشدی بو آلشدی ئوزون آل بیر نظره قان چالشدخجا گیدوب دوشدی بیر آزدا خطره دیدی زهرا اوغول آلدیم دیزیم اوسته باشیوی #کانال_نوحه_یازینب_سلام_الله_علیها مندن ایش گچدی داخی سسله حسین قارداشیوی