کربلا ای تربتی قان کربلا‌ ، کانون طوفان کربلا خوش حالوه سنده یاتوب ‌ ، شاه شهیدان کربلا عالم بویی بو دهریده ، هرلحظه اعجاز ایلوسن سن آسمان عشقیده ، فخریله پرواز ایلوسن دنیایه کعبه ناز ایدور ، سن کعبیه ناز ایلوسن بو فخر و ناز و عزته ، اعجازه قربان کربلا ای کربلا شاه حجاز ، اون گون سنه مهمان اولوب بو شرط مهمانی دگول ، گلزار دین سنده صولوب یتمیش ایکی مهمانوین ، قلبی قیزیل قاننان دولوب سنده اولوبدی حیدرین ، گلزاری تالان کربلا شبه پیمبر قانینه ، ای کربلا سنده باتوب صدپاره جیسمی اکبرین ، قانلی عباده حمل اولوب خیمه سراده بینوا ، لیلانین آرامین آلوب باجیلاری عمه لری ، ایلوبلر افغان کربلا ای کربلا قان آغلادی ، بیر غمده حتی مجتبی آتلار ایاقینده قالوب ، چون قاسم نو کدخدا اولدی عروسی دربدر ، یاخدی باشا قاندان حنا حتی سریه مادری ، اولموشدی نالان کربلا ای وادی غم کربلا ، دریای ماتم کربلا قانه دونوب اوصافوه ، بو غملی سینم کربلا دانشسرای مکتب ، اولاد آدم کربلا سنده خجالتدن آخور ، دریای علقم کربلا عباسینی قاندا گوروب ، شاه لب عطشان کربلا ای کربلا بیر غصه دن ، ارباب اولوبدی باغریقان حلق علی اصغر اولوب ، اوچ پر اوخا سنده نشان اولدی رباب بیکسین ، کاشانه عشقی تالان گونلر قباغینده قالوب ، آخر ویروب جان کربلا سنده حسینین اشقیا ، الف قدین دال ایلدی باشین کسوب شمر لعین ، بیرآیری جنجال ایلدی آتلار ایاقی جسمینی ، ظلمیله پامال ایلدی ایلوب تلاوت نیزه ده ، آیات قرآن کربلا اولدی امام مشرقین ، آل اللهه ال تاپدیلار شمر لعین حکم ایلیوب ، اخیامینی یاندیردیلار غارت ایدوبلر قیزلارین ، عرش اهلینی آغلاتدیلار قیزلار داغیلدی چوللره ، زار و پریشان کربلا **#کانال_نوحه_یازینب_سلام_الله_علیها کربلایی آذرین خلخال