بانوای#کربلایی_منوچهر_حسن_زاده #سلیم_نظرآباد گؤگد‌ن شب عاشورا نورانی لوا گلدی پرچمده یازیلمشدی نام شُهدا گلدی یوم غم تاسوعا گون باتدی باشا یتدی حضرت اوْ جماعتلن اقدام نماز ائتدی بیرعدّه نمازاوستن گیزلینجه دوروب گئتدی اصلا اوْ گئد‌نلرد‌ن نه سس نه صدا گلدی بیعت گؤتوروب حضرت،قتلین دئدی منبرده مشعل‌لر اوْلوب خاموش ظلمت توْخودی پرده گئتدی اوْ قارانلیقدا بیردسته‌ی دیگرده ثابت قالان انصاره تحسین خدا گلدی بیگانه وْنامحرم،ترک ائیله‌دی جانانی تشکیل تاپوب ناگه بیرمجلس روحانی جمع ائتدیلر اوْل بزمه دلداده احبّانی یتمیش ایکی جاندان بیرآواز وفا گلدی بیرخطبه اوْلوب جاری لبهای امامتد‌ن آچدی علنی پرده اسرار شهادتد‌ن گؤرسندی عجب عالم اوْل وقتیده حضرتدن العلم یقین اوسته رؤیتله قوا گلدی انگشت مبارکله رد ائتدی حجاباتی اندیردی اشارئیلن گؤگد‌ن یئره جنّاتی جنّتده شهیدانین گؤرسندی مقاماتی اوْردا نظره قصریاقوت وْطلا گلدی بیرخئیمه کی اوْلموشدی زهرا قیزینا تسلیم اوْغلانلارینا مشق دعوا ائلیورتعلیم سلطانه بوطرزیله صبّاح ائده‌سوز تعظیم گؤرسون آتامون اوْغلی مند‌نده فدا گلدی نصف شبیدی حضرت چخمیشدی مصلّایه قصد ائیلدی تاگتسین دیداراحبّایه دوشدی یوْلی خرگاه صدّیقه صُغرایه ناگاه قولاقینه آشفته نوا گلدی بهت عالمی یوز وئردی خیمه قاپوسین آچدی ناگاه اوْ باجی قارداش بیر نوعی قوجاقلاشدی اوْل خرداجا قربانلار بو حالته آغلاشدی هم ناله وْافغانه،سکّان سما گلدی. #کانال_نوحه_یازینب_سلام_الله_علیها