474.7K
⚘گمنام⚘:
شهادت حضرت زهرا (س)
آهنگ یافاطمه...
سیل گوزیاشون یامرتضی گلمه فغانه
گرچه ئولور زهرا ولی سن دویما جانه
دنیا یالاندی
دردیم قالاندی
صبر ائت فراقه یاعلی دوشمه بلایه
چوخ آغلاما سن بو أسَفلی ماجرایه
گلمه عموغلی ماتمیمده چوخ نوایه
گورسون یارالی سینمی سن باخما قانه
دنیا یالاندی
دردیم قالاندی
کلثومیلن زینب نجه گور قاره باغلور
اوغلوم حسن ایوای آنام وای سسلور آغلور
آه حسینیم عالم امکانی داغلور
زهرانی مولاجان ئوزون دفن ائت شبانه
دنیا یالاندی
دردیم قالاندی
سینم گلوب تنگه منی سالدی فشاره
زهرانی عفو ایله علی یوخ منده چاره
دنیاده درد و محنتیم گلمز شماره
سالدی منی درده عموغلی بو زمانه
@eetazeinab
دنیا یالاندی
دردیم قالاندی
مندن صورا کوچه سوزون حتما بیلرسن
مندن صورا گوزیاشووی گوزدن الرسن
هر نیمهٔ شب قبریمون اوسته گلرسن
هی آوخشیارسان آغلیارسان یانه یانه
دنیا یالاندی
دردیم قالاندی
مندن صورا بلبللریم آغلار قالالار
چادر شبیمدن عطریمی هر آن آلالار
تعویض ایله یانمیش دری افغان سالالار
عمروم بهاری دوندی تز فصل خزانه
دنیا یالاندی
دردیم قالاندی
خیرالنسای عالَمم، دخت رسولم
قلبیم سینوبدور دهریدن، غملی بتولم
سن غم یئمه مولا منه گرچه ملولم
من تک بلالی حشرهجک گلمز جهانه
دنیا یالاندی
دردیم قالاندی
#کربلایی_حسن_طیبان
اجرا:مداح ولایی گروه یا زینب س⬇️
#کربلایی_جناب_افشار
#آموزش_ترکی✅
#کانال_نوحه_یازینب_سلام_الله_علیها
#التماس_دعای_فرج_و_عاقبت_بخیری