🌺🎤ولادت امام حسن مجتبی ع موارک سبک //مه دل نازک مثال شیشه 🌺🌺🌺🌺_____________ عاشقون بموعه خوِر سر بزّو گلی از پیمبر سبط رسول بمو دنیا نازنین گل باغِ حیدر بعیم. دل ره پر هادیم مدینه بموعه سرور امه سینه حسن. نوگل باغ امامت دوم. امامه روی زمینه بمو. دسّه گل باغ حیدر موارک. شیعیون ره یکسر 🌺🌺🌺🌺_____________ عرش حق زینت بهیعه هنگامهً نعمت بهیعه بشکفته گل بیت حیدر فصل بذل و رحمت بهیعه برج. دین امشو قمر بیارده زهرا. اَمِشو پسر بیارده جبریل بموعه پیش پیمبر احمدِ وِسّّه خوِر بیارده بمو دسّه گل باغ حیدر موارک شیعیون ره یکسر 🌺🌺🌺🌺_____________ مدینه بیّه منوّر حق علی ره هداعه پسر اسپند دود هاکن ونِسّه ماه موناعه نووه نظر ونه نوم ره جبرئیل بیارده خدا هادی و دلیل بیارده تا که. رهنما بووه به امت چراغ راه و سبیل بیارده بمو دسّه گل باغ حیدر موارک شیعیون ره یکسر 🌺🌺🌺🌺_____________ ملک بزّوعه نقاره سربزّوعه اتّا ستاره زهرای ریکا بموعه دشمنون دل بووه پاره بابایِ دل قرار بموعه عصایِ دسّ شه مار بموعه خلقِ محروم ره خوِر هاکنین حسن شاه سفره دار بموعه بمو دسّه گل باغ حیدر موارک شیعیون ره یکسر 🌺🌺🌺🌺_____________ (صفا ) ته هم یاری هاکن غم دل ره کناری هاکن بشن نقل و گل ته امشو مولا ره هواداری هاکن غلام دره مولا بهوویم آقا حسنِ فدا بهوویم خدا نیاره اون روز ره هرگز ته در گاهه جا جدا بهوویم بمو دسّه گل باغ حیدر موارک شیعیون ره یکسر حاج قاسم جناتیان قادیکلایی 🌺🌺🌺🌺_____________ *آثار مداحی کربلایی میلادباباجانپور #مازنی #کانال_مولودی_مجمع_الذاکرین