شیطانین بالاسی قیزیل گوله اوخ آتان شیطانین بالاسی دیر باغچانی اودا چکمک صهیونون جفاسی دیر اسماعیل لار قان وئریر حقیقتین یولوندا قانلی غزه فلسطین حقیقت مناسی دیر گونشین ایگیدلری ایشیغا ایمانی وار قانا باتان هنیه ایمانین فداسی دیر قهرمانلار قان ایله زیروه لره اوچورلار گویه اوچان گوزل قوش جنتین هماسی دیر " وعده صادق " نورو اسرائیل ده گورسه نن فرعون لارا موسانین بیر ید بیضاسی دیر فلسطینین قانلاری جوشان دنیز اولوبلار یئره توکولن بو قان دریانین داملاسی دیر ایندی دونیا آییلیب نئچه ایل لیک یوخودان ظالم لره باغیرماق آزادلیق نواسی دیر فلسطینین باغینی اودا چکیر صهیون لار اودلا یانان گوزل گول باغچانین لالاسی دیر الاقصانین طوفانی داغیدیر قورقولاری "وعده صادق" گوجلو موسانین عصاسی دیر ال ایاق چالیر صهیون نئچه گون نفس چکه حق کتابین یاندیرماق ضعفینین معناسی دیر سیلینه جک صهیونیسم فرنگ چکن نقشه دن دونیا بیلیر اسرائیل عنکبوت یوواسی دیر آزاد اولار فلسطین صهیونون چنگالیندان آزادلیق شهیدلرین قانینین نداسی دیر علی # امامی