بانوای مهندس حاج علیرضا داداش نژاد درسبک زهره اجراء دردستگاه سه گاه 🌼🌸🍃🌼 💐🌺💐 🍃🌼🍃 مدح و میلادیه حضرت امام حسن عسکری علیه السلام . حاج اصغر فرشچی (عدلی تبریزی) . بو گجه گلدی ولایتدن سُلاله حیدری عالمه یعنی قدم قویدی امام عسکری . نوریلن ایتدی منّور عالمی بو گل وجود بار دیگر آخدی کوثر عالم اولدی کوثری . اوز قدومیلن جهانی عنبر افشان ایلدی گلستان وهر چمندن گلدی بوی عنبری . حضرت هادی ایوی اولموشدی جنّتدن نشان سایه سالموشدی او ایوده چون ملائک شهپری . وارث علم امامت دور شجاعت چون علی آفتاب معرفت دور انبیانون مظهری . سورۀ والیل دور زولفون پریشان ایلسه سورۀ والشمسدن معنی جمال انوری . عادتی احسان و وردی حق سجایاسی کرم رهبر کلّ جهان هم شیعیانون جعفری . بو قدم قویدی جهانه تا گتورسون بیر بالا حضرت مهدی آدوندا ما سوانون رهبری . نام نامیسی حسندی قامت و روئی حسن تاجدار اِنمّادن یادگارِ دیگری . خُلق و خوئی مصطفی دور هم آنا خیرالنّسا نرگس خاتونه احسن اولدی مهدی مادری . بو صلابتده شجاعتده همیشه یکّه تاز خادم درگاهی اولموش حوریان وهم پری . سامراده چون شهید اولدی گوزل بیر قبری وار زایر اولسون ایستوری ناهید و زهره مشتری . آیه آیه کُل قرآن وصف ایدوب بوگوهری آستانینده ملک لر ایلیوللر نوکری . مادح درگاهی دور (عدلی) یازار مدح و ثنا گه زبان فارسیلن گاهی زبان آذری . 🌼 🌾🌼 🌼 🌾🌼 🍃🌿🌸 🌾🌼۰