ولی الله عالم گلدی دنیایه ویرون مژده گوی اهلی وئردی زینت عرش اعلایه وئرون مژده . ولادت بایرامیز مبارک شیعیان گوز آچدی عالمه شه آخر زمان اباصالح مدد ( 2 ) . . . اولوبدی نیمه شعبان شه زهره جبین گلدی ملکلر اوپماقا شاهین مبارک مقدمین گلدی صدای مرحبا گویدن هزاران افرین گلدی صفا وئردی گل نرگس بو مأوایه وئرون مژده . . گل زهرا دیوم با که دیوم تفسیر کوثردی سفیر حضرت حقدی او مرآت پیمبردی قدومیندن ووران بوسه مه و خورشید و اختردی یاغوب عالمده رحمت دشت و دریایه وئرون مژده . . گل زهرا اولوبدی عالم هستیده عطر افشان مباهات ایلیوب دنیا اولوبدی مفخر رضوان منور ایلیوب دهری همان انوار الرحمان گوی اهلی چخدیلار یکسر تماشایه وئرون مژده . . تلألو ایلیور نور حق یکتا جمالیندن قالوب یوسف ئوزی حیران شهین حُسن کمالیندن آتاسی هی وورار بوسه جمال بی مثالیندن گئنه نور خدا چخدی تجلایه وئرون مژده . . فروغ دیدۀ زهرا سلیمان جهان گلدی ئورکلر شاد و خنداندی حسین قانین آلان گلدی دل اعدایه تیغیله جهاندا اود سالان گلدی سالوب لطفی سر عاشقلره سایه وئرون مژده .