میلاد علمدار کربلا
در آهنگ "من و این زخم زمستون - استاد علیرضا افتخاری"
🌸🌸🌸🌸🌸🌸🌸🌸🌸
البشاره-البشاره - مرحبا ای اهل ایمان
نور ماه آل‌هاشم - ایتدی دنیانی درخشان
جانلار قربان اولیدی - عباس مه‌جبینه
به‌به بو نازنینه - احسن امّ‌البنینه
مرتضانین ماه دل‌آراسی سن‌سن
رزمگاهین تک - یل هیجاسی سن‌سن
ای شه کرب‌و‌بلانین سر سپاهی
کربلانین تشنه‌لب سقّاسی سن‌سن
هر درد بی‌دوایه - سن‌سن معالج اولدون
دنیاده اهل عشقه - باب‌الحوائج اولدون
ویردیلر آغوشه آلسون - مرتضایه گول بوداقین
گه ئوپردی اللریندن - گه گوزوندن گه دوداقین
عرض ایتدی دین ستونین - محکم ساخلار بو اللّر
بیرگون کرب و بلاده - پرچم ساخلار بو اللّر
حقّ حسینه بیر گوزل یاور یارالدیب
دینه بو قوللّاریوی لنگر یارالدیب
صولتون گورسه ملکلر - سسلر الله
عالمه بیر حیدر دیگر یارالدیب
عشّاق عالمینی - سن صاحب امتیاز ایت
سن نام مرتضانی - دنیاده سرفراز ایت
🌺🌺🌺🌺
سسلدی مولا حسینی - گَل سنه الله ویروب پای
تا قیامت خلق اولونماز - بو کشیده قامته تای
اولدی جمالی روشن - تا گوردی شه وزیرین
آغوشه آلدی ئوپدی - رخسار بی‌نظیرین
دیدی بیله بیر کشیده گوز قاش اولماز
حقّیدن بوندان گوزل بیر پاداش اولماز
افتخاریم واردی قارداشلار ایچینده
سن گوزللّیکده داخی بیر قارداش اولماز
ای عرصه‌گاه عشقین - صولتلی شیری قارداش
یوم بلا حسینون - کسگین شمشیری قارداش
✍ امین اکرمی - هاتف تبریز