🙏🏼سلام باعرض تبریک وتهنیت ✍بقلم استاد گوهری هشترودی سمایه قنداقون گیتدی به دستور خدا مهدی لوایِ خیرِ مقدَمدَه یازیلدی مرحبا مهدی اوجالدی سس فلک لردن ندا گلدی ملک لردن سنه جانلار فدا مهدی سنه جانلار فدا مهدی اوخوندی شانیوه لایق سرود هل اتا مهدی ایشقلاندی جلاسیندن غروب لا فتا مهدی تحقق تاپدی آلیندن امید مصطفی مهدی سووندی قلبی طاهانون بویوردی حبّذا مهدی طلوع سوره ی کوثر یتوردی فجرین اثباته کمال وصف و توصیفی سغشمور متن ابیانه کلام الله کلامی چون چاتوب عرش مباهاته کمک آلام نظر قیلسون آدوندان ابتدا مهدی شب هجران تاپوب پایان شبانگاهان غم گیتدی داغلدی خانه ی ظلمت بوتون خواهان غم گیتدی سیاهی محو اولوب به به طرفداران غم گیتدی جهانه نیمه ی شعبان ویروب آیری صفا مهدی ولایت گلشنی به به آچوبدی بیر گل زیبا اونون یُمن قدومیندن گلستانه دونوب دنیا گورن سسلور ایوین آباد عروس آخر زهرا یاراشور بیر بیره احسن آنا نرگس بالا مهدی منافقلر قالوب هاردا جواب ابتری گورسون کور اولموش دیدگانیله جمال انوری گورسون مقام ختم مرسلده امام آخری گورسون اولوب شان مقامینده امین انبیاء مهدی