🌼🌸🍃🌼
💐🌺💐
🍃🌼
🍃
مزمت دنیا
عدلی تبریزی
اجل گودورسنی منی ایلان کیمی بیرگون چالار
فقیراولاخ غنی اولاخ بیزدن شیرین جانی آلار
جـام مراد و ساقیه مستوخ ندن آیولموروخ
خمار اولاندا باده نی ویرار اولحظه ده جالار
هرگون حیات جدولی پیر وجوانه پراولور
وای او زمان که خالی یر قالمیه آخره چاتار
گلسه اجل ویرمز امان قویماز قیلاخ حتی نماز
عجزایلساخ باخمازسوزه هرکیمسه دن آیری سالار
امرخدایه گل باخاخ راه سعادت آختاراخ
صالح عمل ایداخ بولاخ صالح عمل بیزه قالار
حسینه گل خادم اولاخ محافله سایه سالاخ
آدلاری شاه کربلا بیر به بیراوردا امضا لار
گوزیاشون اوردا درّدورجمع ایدوری فرشته لر
قـطره سینی نـقـد ایلساخ جنّتی بیزلـره آلار
«عدلی»یازان نوحه لری هم اوزی مادحین اوخور
کیمسه دیه بولمز اونا نوحه سینی پولا ساتار
🌼
🍃🌼
🌸🍃🌼
🌾