اهنگ :دنیا دنیا «حمیرا»
ولادت حضرت محمد و امام صادق (ع )
✍️ شاعر علیرضا علوی زنجانی ✍️
مژده مژده اولا صاحب زمانه
گلدی گلدی ایکی دلبر جهانه
یتشدی ماه ربیع جهان اولوب گلستان
تمام امت بو آی اولوبدی شاد و خندان
شاد اول شیعه گل زهرا گلوبدی
غافل اولما خود طاها گلوبدی
مظهر شمس ضحی معدن و صدق صفا
حقدن عنایت اولوب گلوبدی صادق آقا
شاد اول شیعه گنه وار آیری خبر
کاخ کسری تتریب دور بو گونلر
خبر چاتوب عالمه عدل و عدالت گلوب
شاهلار بیلیب جهاندا ختم رسالت گلوب
ساقی ساقی گنه من مست مستم
احمد بانی اولوب الله پرستم
مشعل راه عرفان رونق دین و قرآن
تاپدی وجودیویله راه سعادت انسان
✍️ شاعر علیرضا علوی زنجانی ✍️
۹۶/۹/۸