🌹میلاد امام باقر🌹 ✍شاعر :علی عبدی جلوه ی ذات کبریا گلدی جسمه دوا روحه صفا گلدی حضرت سجاد آقانون اوغلی باقر آل مصطفی گلدی زینت عرش حق اولوب بو گوزلین آدی گوگده ملکلر سوونوب اِیلدیلر شادی ای گل باغ مرتضی باقر شیعه سنه قربان اولا باقر 🌹🌹🌹🌹🌹 گل یوزنون اوخشاری وار ماهه طفلیدی بنزور ولی بیر شاهه آلدی قوجاقه بالاسین سجاد شکر اِئلدی درگهه اللهه اللرین اوستونده آتا چکدی بالا نازین شوق اِئلدی ایلَدی ئوپدی گُل ممتازین ای گل باغ مرتضی باقر شیعه سنه قربان اولا باقر 🌹🌹🌹🌹🌹 صابر و شاکِردی امام باقر طیب و طاهردی امام باقر دانش و فضل و ادبین کانی عِلمیده ماهردی امام باقر دهریده چاتماز آقامین گردینه بیر عالِم فاضل و عالِملر اولار درگهینه خادم ای گل باغ مرتضی باقر شیعه سنه قربان اولا باقر 🌹🌹🌹🌹🌹 دُرِّ گهرباریدی عالمده چشمه ی سرشاریدی عالمده وادیه عشقه یازیلان آدی گرمیه بازاریدی عالمده بیر بئله بنده یارادان خالقه مین احسن حضرت باقر آقاما فخر اِئلییرم من ای گل باغ مرتضی باقر شیعه سنه قربان اولا باقر 🌹🌹🌹🌹🌹 پنجم امام و هفتمین معصوم شآن و جلالی بیزه نامعلوم وار یئری شخصیتی مینلر کتاب یا که مقاله اولونا مرقوم هم آتاسی هم ئوزی هم جدی دل آرادی نوری اونون نور خدا عالمه مولادی ای گل باغ مرتضی باقر شیعه سنه قربان اولا باقر