بنام خدا
(پرداختن به فلسفهٔ قیام عاشورا و یادی از اسوهٔ مقاومت و الگوی مدافعان حرم شهید سلیمانی)
◇◇◇◇🏴◇◇◇◇
دین اسلامی ائدیب احیا حسینون نهضتی
قویمایوب یاتسین بو مولا پرچم حریتی
ٱوت سالوب دی سینهٔ عشاقه سلطان وفا
درس حریت وئریب عالم لره اول مقتدا
ایلیوب دارو ندارین دین اسلامه فدا
بیز حسین دن آلموشوق عالم ده درس غیرتی
روز عاشورا اولوب دی گلشن زهرا خزان
ایلیوب قوم ستم آل علی نی باغری قان
قان یاشی جاری اولوب اول قانلی صحراده روان
هر زمان یاد ایلروک بیزده بو درد ومحنتی
قالموشام یاد ایلیم من هانسی محنت دن خدا
جان وئرن دم دن یازوم یا آیری ساعت دن خدا
اوتلانان اخیامیدن یا این که غارت دن خدا
باغری قان ایلوب دی اعداء قلب آل عصمتی
صحنه های کربلا یاران گینه تکرار اولوب
شاه دینون خواهری بار دگر غم دن سولوب
زینبین هل من معین فریادی آفاقه دولوب
بیز اجابت ایلیا‌خ‌یاران بو گون بو دعوتی
زینب ین سردار لاریندان وار یئری یاد ایلیاخ
پر وئران عاشقلرین روحون بو دم شاد ایلیاخ
دشمن ین هر طرح شومین بوردا برباد ایلیاخ
عالمه اعلان ائداخ درس شعور وهمتی
یاد اولا بوردا گرک سردار سلیمانی بو دم
اول مدافع کی اونون وصف ینده عاجزدی قلم
اول مدافع کی‌اونا احسن دیوب میر امم
اول مدافع کی اونون هر یئرده واردی صحبتی
کیم حسین دن دم وورا فاخر گرک اولسون بصیر
دین اسلامه گرک اولسون مددکار و نصیر
جبههٔ حق ده شهید اولسون و یا فرتوت و پیر
دین یولوندا اولمگین وار آیریجا بیر لذتی
✍🏻مسلم فرتوت فاخر
۱۴۰۰/۵/۳۰
http://eitaa.com/golvajhehaye_ahlbeyt
°°°♡🏴🏴🏴♡°°°