فانی تبریزی: فانی تبریزی: ای شرف کون و مکان یا حسین (ع) پیکره عالمه جان یا حسین (ع) ای هامی ذراتیده روح روان جوهره جان جهان یا حسین(ع) عاشق اولوبدور سنه بوعالمون قلبی کران تا به کران یاحسین(ع) دولدوروب آفاقی حسین (ع) نغمه سی ذکرون اولوب ورد زبان یا حسین(ع) عالم لاهوت اولوب مسندون ای باشی عرشه اوجالان یا حسین(ع) عرشه عروج ائتماقا یوخدورسنه قید مکان قید زمان یا حسین (ع) راه حقیقتده سنون حسنووه عاشق اولوب پیر و جوان یا حسین (ع) فکر و خیالین دی وئرن روز و شب جسمه توان روحه روان یا حسین (ع) پرچم اسلام و دیانت بوگون سنله تاپوپ نام و نشان یا حسین (ع) جمله عناصر دی سنون لشگرون کیمدی مگر شمر و سنان یا حسین(ع)؟ قهرین اولوب دشمنه دوزخ یقین مهرین اولوب یاره جنان یا حسین (ع) نیزه باشین وادی طور ایله دون روشن اولوب سر نهان یا حسین(ع) قانون آخوب ییرده آنالحق یازوب حقی ائدوب خلقه عیان یا حسین (ع) یاندی اورک آتش هجرانووه زینبم (س) ای جسمیمه جان یا حسین(ع) باخ باجون ، درد و غم و غصه ون اولدی رسا قدی کمان یا حسین (ع) ماه محرم دی اولوب شیعه لر سینه زنان اشک فشان یا حسین (ع) گلدی محرم آیی اما گینه گلمدی اول قانین آلان یا حسین (ع) ایله دعا گلسون او عیسی نفس اولدی اورک لر هامی قان یا حسین (ع) گلسه اگر مهدی صاحب زمان (عج) عالم اولار باغ جنان یا حسین (ع) ایستدی طبعیم سنی توصیف ائده دلده ولی یوخدی توان یا حسین (ع) فانی دلخسته یم احسان ایله یاز منی ده نوحه یازان یا حسین (ع) سلام التماس دعا دارم🌷