‍ مدح حضرت فاطمه زهـــــراسلام الله علیها آلالۀ بهشت پیمبردی فاطمه وحدت حدیقه سینده صنوبردی فاطمه هرچند قدر و قیمتی مجهول اولوب ولی گنجینۀ نبوّته گوهردی فاطمه مبهوتدور عیارینه صرّاف روزگار مین دُرّ شاهواره برابردی فاطمه عاجزدی شرح مدحتینه اهل فضل چون آئینۀ فضیلت داوردی فاطمه شان و شرفده عالم امکاندا مثلی یوخ اللهُ نوره جلوه ده مظهردی فاطمه نور سراج مصطفوی مشعل نجات بزم ولاده شمع منوّردی فاطمه شمسُ الضّحی محمّد و بدرُ الدّجی علی اول نسبتیله زهرۀ ازهردی فاطمه میر امم علیدی نجاتین سفینه سی عالمده اول سفینیه لنگردی فاطمه مهد ولاده اون بیر امامین آناسیدی گردونۀ ولایته محوردی فاطمه زینب کیمی بو جامعه ده جامع العلوم جان شیره سیله نابغه پروردی فاطمه قائل اولان ولایته باک ایلمز نچون یوم جزاده حاکم محشردی فاطمه هاجر محالیدور چاتا عزّتده شأنینه مافوق شأن حضرت هاجردی فاطمه مریم هارا بتول هارا فضل پایه ده مین مریم مقدّسه سروردی فاطمه وصف جلالی مصحف مُنزلده درج اولوب نصّ صریح سورۀ کوثردی فاطمه زهد و عفاف و عصمت و تقواده بی نظیر حلم و ثبات و حکمته زیوردی فاطمه تندیس عفّت و شرف و عصمت و حجاب مصداق شرم و آیت معجردی فاطمه کوی وفاده کعبۀ مقصوده چاتماقا سیر سلوک اهلینه رهبردی فاطمه عالمده اهل کفر و نفاقین تِفاقینی همّتله یاندیروب یاخان اخگردی فاطمه مین لر بلا ولایته خاطر گوروب دوزوب چون حامیِ ولایت حیدردی فاطمه ظالم برابرینده دوران دفع ظلم ایچون کسگینلی ذوالفقار دوپیکردی فاطمه فوج بلا تهاجم ائدنده ولایته شاه ولایته جانیله یاوردی فاطمه باغ فدک بهانه دی احقاق حقّ ایچون دنیایه اوز ثباتینی گوستردی فاطمه زهرا اولان مکاندا سپاهه نه احتیاج مولایه تک وجودیله لشگردی فاطمه یاللعجب بو شانیله دشمن اوتانمادی آخِر رسول اکرمه دلبردی فاطمه درگاهینه هجوم ایلیوب اؤد ویران مگر بولموردی شاه عالمه همسردی فاطمه امر ائتدی یاندیرون ویرون اود بارگاهینه من بیلمرم حبیبۀ داوردی فاطمه خوف ائتمیون تلاش ائلیون یاندیرون آچون بولمم قاپو دالندا کی حیدردی فاطمه لال اول دیلیم حکایته چوخ وئرمه شرح و بسط شرم ایت اوتان عزیز پیمبردی فاطمه مسمار دشنه حمله عدو اود او حالده شرم ایلوری قلم یازا نیلردی فاطمه غصب فدک حکایت سقط جنین ائله بیر حاله سالدی که ئولوم ایستردی فاطمه اولدی اولان خلاصه، گوروب چاره یوخ گرک ترک ایلسون جهانی مقدّردی فاطمه یوز دوتدی اوز عم اوغلوسونا سویلیوب سنه عفو ائت ویرور بو زحمت آخِردی فاطمه بیلمم ندن گئجه ایله دئدی دفن و کفن ائله گوردون او لحظه گل کیمی پرپردی فاطمه اولما رضا مزاریمی دشمن لر آنلاسین گیزلینجه دفن و کفن اولا بهتردی فاطمه چوخ اینجیدیم جهاندا بو قوم پلیدیدن الله بولور نه قدر مکدّردی فاطمه بو قومدان رضا دَگُل آگاه سن اوزون مقتول جهل قوم ستمگردی فاطمه #شبخیز ایتمه غم که گنهکار بنده سن محشر گونی شفیعۀ محشردی فاطمه ✍منکلام:مرحوم استادحاج عباس شبخیز قراملکی ‍ 🔴کانال رسمی عاشقان حضرت زینب«س» https://eitaa.com/hazratehzeynab