خطبه امام سجاد علیه السلام اموی مسجدی بیر مسجد زیبا و کبیر روز جمعیدی جماعت دولی حضار کثیر دور منبرده شیوخ اموی تیره ضمیر وزرا هیأت مخصوصیله سلطان پلید مسجدین شاه‌ نشینینده اوتورموشدی یزید ناگهان داخل اولوب مسجده فرزند نبی جنب منبرده جلوس ائتدی شریف علوی حیر‌ته دوشدی هامی گو‌رجک او والا نسبی آچیلیب رمز و اشاره یولی هر مرد و زنه دئدی‌ لر خارجی گلدی نیه بو انجمنه وقت او وقت اولدی چیخیب منبره ناپاک خطیب جیره‌ خوار اموی خودسر و بی‌باک خطیب پرده شرمی خطابیله ائدیب چاک خطیب قیلدی تعریف ازل نسل ابوسفیانی صورا هذیان دانیشیب سبّ ائله‌دی مولانی مسجده بیر ملکوتی سس اوجالدی او زمان توتولوب هرزه خطیبین دیلی سیندی خفقان او صدا صاحبی گفتاره گلیبدیر اوجادان ای خطیب اموی ساخلا خطابه ادبین خلقی راضی ائلیوب خالقین آلدون غضبین صورا یوز دوتدی یزیده دئدی اول میر گرام اذن وئر‌سون منه بو تخته‌نین اوسته چیخارام رخصت آلدی اوتوروب عرشه منبرده امام ذاتی اعلایه فصاحتله ائدیب حمد و ثنا او دانیشدیقجا خانیم عمه‌سی ائیلوردی دعا ایها الناس اولون مطلبه آگاه بیلون بیزه بذل ایلیوب آلتی صفت الله بیلون یئتدی نعمتله ویروب مرتبه و جاه بیلون ارثدور جود و فصاحتله شهادت بیزده واردی اخلاق و عبادتله شجاعت بیزده قلب مومن‌ده اولان مهر سزاوار بیزیم انبیاء زمره‌ سینه سید و سالار بیزیم خلقتون مفخری پیغمبر مختار بیزیم حافظ قلعه‌ دین حیدر کرار بیزیم حضرت حمزه بیزیم جعفر طیار بیزیم لیل اسرا ملکوته گئده‌نون اوغلی منم ساحت اقدسه معراج ائدنون اوغلی منم قاب قوسین فتدلا گوره نون اوغلی منم اوکی گویلرده ائدیب راز و نیاز اوغلی منم قبله‌ تینه اوکی ائیلیبدی نماز اوغلی منم زمز‌مون اوغلی منم مکه منا اوغلی منم مشعرین اوغلی منم مروه صفا اوغلی منم عرفات اوغلی منم، غار حرا اوغلی منم مسند عدلیده داد ایلیه نون اوغلی منم ایکی نیز‌یله جهاد ایلیه نون اوغلی منم گلشن کربوبلاده سولانون اوغلی منم لخته لخته گوزونه قان دولانون اوغلی منم قانلی باشی دالیدان ذبح اولانون اوغلی منم سویولوب کوینگی عریان قالانون اوغلی منم پیکری خاکیله یکسان اولانون اوغلی منم تانیون سیز منی مظلوم آتانون اوغلی منم باش وئریب محضر حقه چاتانون اوغلی منم قیزلاری چولده هراسان یاتانون اوغلی منم نیزه لر اوسته باشی داشلانانون اوغلی منم ئولمه میش تعزیه‌سی باشلانون اوغلی منم خارجی آدیله مظلوم ئوله‌نون اوغلی منم ئوزی مهمان ، سوسوز جان وئره‌نون اوغلی منم اوزوگی بارماقی الده گئده‌نون اوغلی منم ساربان اللرینه ال تاپانون اوغلی منم سینه ‌سی اوسته قؤشون آت چاپانون اوغلی منم ختم پیغمبره سیز ساخلامادوز ذره حریم بیر اوچوق یرده یاتیب ایندی نوامیس حریم غصه د‌ن زلفون آغاردوب قوجالیب عمه ‌لریم طلقا ‌زاده بیزی ایسته‌ مور آزاد ائله سین غیر‌ت و دینی اولانلار بیزه ایمداد ائله سین حضرتون خطبه سی حضاره گتوردی هیجان اعتراض ایلدی شام اهلی یزیده اوجادان او زنا زاده اولوب عاقبتیندن نگران ابن مرجانه دیدی ایتدی سیزه بیدادی قصر خضرایه ئوزیله آپاروب سجادی معذرت ایستدی حضرتدن او نامرد و دغا گتوروب قویدی حضور شهه بیر کیسه طلا دیدی بو سکه لری قانلاروزه ایله بها ضمنا هر خواهشون اولسا منه خدمتده وارام شامده قالسوز اگر یاخشی عمارت آلارام دیدی سجاد گوتور بو قیزیلی ایله حیا گر یرون تپراقی داشلاری اولا نغز طلا اکبرون فکر ایلمه کاکلینه قیمت اولا خون بها سندن ئوزی حشریده خونخواه آلاجاق قیمتی چوخدی آخان قانلارین الله آلاجاق ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی 🔴کانال رسمی عاشقان حضرت زینب«س» https://eitaa.com/hazratehzeynab