شهادت امام حسن محتبی علیه السلام بلی بلایه دئین گوزلیر قضایانی آلار او جان کیمی جانه هامی بلایانی بلی بلایه دئین لا دییر بلایه مگر بلا دالیجا گَزر آشکار و پنهانی بلی بلایه دئین روزگاریده اِیستر بسان زلفی تاپا حالت پریشانی بلی بلایه دئین دردیله تاپار الفت بلا یِتَنده اِبا اِیلیر مداوانی بلی بلایه دئین طالب بلادی یقین مقدراته قضا اولسا اولماز حیرانی بَلی بلایه دئین چوخدی عهد ذرده ولی اولور گوزومده مجسم کریم دورانی بلی بلایه دئین عشقیله چَکَر باشه همان او سو یرینه زَهر قوم اعدانی بلی بلایه دئیوب سید شباب جنان اودور که ویرمیش اونا غم فشار دنیانی او قَدر جور و جفا اِیتدیلر او مظلومه نه ابتداسی عیاندی نه واردی پایانی او دم که زهر جفا دوغرادی جگرلرینی علاوه، نیسکیلی یاندیردی قلب زهرانی باشینی آچدی او غمده عزیزه زهرا گتیردی آه و نوایه شه شهیدانی مقدراته اولاندا قضا باخ اقباله باجیسی زینب کبری اولوبدی مهمانی نوایله ددی گَل داده زینبیم ئولورم اماندی درک اِیله بو حالت غم افزانی باجی نه حاله قالار قارداشین گوره نالان ایشخلی گوندوزون اِیلر یقین ظلمانی گلوب مشاهده تا ایتدی قارداش احوالین مثال بلبل شیدا اوجالدی افغانی بیر اوزگه حاله او دم دخت مرتضی قالدی چاغیردی دادینه غمدن او شاه مردانی قولونی سالدی حسن بوینونا نوایله باسوبدی باغرینا جان تک او قانه غلطانی بَلشدی قارداشینون دامنه آخان قانینا توکوبدی عارضه قان یاش دو چشم گریانی دونوب مخاطب اِیدوب قاسمی او ماواده بویوردی، فوری خبر ویر حسینه جریانی دِنَن آتام ئولوری تِز یتیش هرایه عمو آخیری دامنینه سیل تک جگر قانی کمال هولیله قاسم ویروب حسینه خبر خراب اولیدی او دم کاش چرخ خضرانی گلوب نه گوردی حسن قانینه اولوب غلطان سولوبدی رنگ رخی آز قالور چیخا جانی نوایه گلدی او نی تک حسن غمینده حسین گَتیردی آه نواسی نوایه سقانی باخیردی طشتیده اول ظلمیله آخان قانه خطور خاطر اولوردی اوز عهد و پیمانی یزید مجلسینه باخدی چشم جانیله باشینی طشت زر ایچره گوروبدی اول آنی او قان دولان گوزون آچدی باخوب حرملرینه نه گوردی نطقه گَلوب زینب نوا خوانی اِیدوب یزیدی مخاطب شجاعتیله تمام سالوب تزلزله کفاری نطق برانی دییور خیال ایدیسیز فاتح اولموسوز جنگه ویا اسیر ایلیوبسیز سیز آل طاهانی اگر چه صورت ظاهرده اولمشوخ مغلوب باتوبدی قانینه قران و دین یارانی ولیک صورت باطنده غالبوخ سیزه بیز بیزوخ که ایلمیشوخ فتح شام ویرانی منم که مجلسیوه واعظم بو لحظه سنون نصیحت ایلیورم نچّه شوم و نادانی او قانلی باش که آخور قانی ظلمیله طشته جهانه شرح اِیلدی آیه فتحنانی بیله خیال ایلمه اولموسان بیزه چیره د‌ونوب دونرگه وی سن بولموسن هَلّه جانی ایچوب شرابی اولوبسان جَری بو مجلسده چیخوبدی ظلمووون اَلدن جهاندا میزانی او ظلملر که ایدوبسن بیز اهلبیته تمام تلافی ایلیجاخدور خدای رحمانی بیله خیال اِیلمه ظلمیوی قالار یرده جسارت اِیلمه چوخ ویرما شاه بطحانی او باش که لبلرینه خیزران ویرورسان اونون آخیری طشت زره گورمیسن قیزیل قانی مدام ذکر دیور طشتیده او یاره لی باش حسینیمون سینا گر ای یزید دندانی اِیله سیزلدیارام نی کیمین، سیزلتی سَسیم سالار تزلزله یکسر سپهر مینانی دئسم بصیرتیلن باخ بصیرتون یوخدی گلوری آه و نوایه بو غمده طاهانی سنه #عتیق قالان روزگاریدن تنها ثواب نوحه دی دنیانی بول گیلن فانی ✍منکلام:استاد حاج داود طهموثی متخلص به عتیق 🔴کانال رسمی عاشقان حضرت زینب«س» https://eitaa.com/hazratehzeynab