﷽ نیمه شعبان بر عاشقان صاحب الزمان (عج) مبارک باد. «سرود ترکی» «یابن الحسن ادرکنی» ای کانون بشرین – شیعه لرین – نگاری یامهدی خورشید محور دین – اهل دلین – شعاری یامهدی مسافر نگران – امید منتظران گلوبدی جان دوداقا – هایانداسان آقاجان قوتار بو انتظاری تئز گل اورکلرین قراری تئز گل سن زهرانین گولی سن – یابن الحسن – عزیز حیدر سن شهر غیبتده نهان – جان جهان – یگانه دلبر سن گل ای گل ازلی – مدینه نین گوزلی سفیر دولت حق – عزیز جان علی بلا دوتوب دیاری تئز گل اورکلرین قراری تئز گل عاشقلر دلده نوا – سسلور آقا – اولوبدی قان گویلوم هانسی جمعه گله جاق – دینجله جاق – بو قان اولان گویلوم باخور بو شیعه یولا – که یوم وصلت اولا بو فتنه دیده جهان – عدالتیله دولا ولایت اعتباری تئز گل اورکلرین قراری تئز گل عالم گوزلور گله سن – تا سیله سن – بو گوزلرین یاشین باشونده تاج یقین – اهل حقین – اوجالداسان باشین هایاندادی حرمون – یخلماسین علمون دولانما چوللری گل – گوز اوسته قوی قدمون غم آلدی روزگاری تئز گل اورکلرین قراری تئز گل #استاد_کلامی_زنجانی مأخذ: پیام کلامی سال انتشار: ۱۳۸۰ کانال رسمی استاد کلامی زنجانی↙️ ‏@KALAMIEZANJANI