دواره یاد از عاشقون هاکنیم یادِ شلمچه و مجنون هاکنیم یاده کم سن و سال سربازِ این خاک مدرسه ره سر اِشته بورده افلاک پر بکشینه هوا اون نو جوونا به مثل قاسم و اکبرِ لیلا بورده جبهه دَیْن ره ادا هاکرده شه جانِ شیرین ره فدا هاکرده مقدس لباس ره شه تن دکرده در نیارده تا که کفن هکرده سر و تن هداعه تا دین بمونه امه کشور و این آئین بمونه دشمنون بدونن شیر بچه دارمی اما از اجنبی ترسی ندارمی پرپر بومبی اما کشور ندمبی اتّا وِجِه خاک ره کافر ندِمبی حاظر بومبی امه سر بووه جدا لطمه نخره امه دین خدا بنازم من (صفا) محصّلین ره بنازم من شمه ایمون و دین ره دفاع از ِ ناموس و به امرِ رهبر مثل شیر بوردنی میونِ سنگر شمه شوی عبادت ره بگردم برار شمه رشادت ره بگردم شمه مدح ره گمبه دلاور مردون لیاقت داشتنی بوئین شهیدون شاعر قاسم جناتیان قادیکلایی #شهدا #مازنی @khatmkhanimajma #ترحیم_خوانی_مجمع_الذاکرین