گل باجی کربلاده غریبم #عباسیه 🥀🥀▪️🥀🥀▪️ #زبانحال امام حسین علیه السلام در شهادت برادر محسن محمدی هشترودی . گل باجی کربلاده غریبم پرچمیم یاتدی سرداریم ئولدی قامتیم غمدن اولدی خمیده دوت الیمدن علمداریم ئولدی غملریم جاریدور گوز یاشیمدان ئوزدیم ال با وفا قارداشیمدان . . گوزلریم نوری غمدن آزالدی قارداشیم قانلو میداندا قالدی طاقتیم گیتدی محنت چوخالدی رنگیم ای جان زهرا سارالدی مطلقاً راز و اسرایم ئولدی . . گوزلریم یاشی اولدی روانه کوفیان ایلدی شادیانه لعنت اولسون باجی کوفیانه آغلورام آغلا قولسوز جوانه غملی چاقیمده غمخواریم ئولدی . . سایه سین کسدی اعدا باشیمدان آل خبر گوزده کی گوز یاشیمدان ئوزدوم ا ل مهربان یولداشیمدان دویمادیم با وفا قارداشیمدان ئولمشم آغلیون یاریم ئولدی . . حفظ ایدن اولماز اهل حرمدن غملر آثاری صاحب علمدن گورموشم جنگده محترمدن چکمشم آه هر بیر قدمدن حافظ باغ و گلزاریم ئولدی . . طاقتی الدن آلدی ابوالفضل آیری بیر حاله سالدی ابوالفضل گر چه میداندا قالدی ابوالفضل ویردی باشین اوجالدی ابوالفضل سیندی لشگر سپهداریم ئولدی . . صبریمی ویردی یغمایه اعدا ایتمدی رحم سقّایه اعدا ویردی بس یاره اعضایه اعدا بی کسی گتدی آخ وایه اعدا گوز قباقینده دستیاریم ئولدی . . باخ گوزومده اولان اشکنابه رحم ایدن اولمادی دل کبابه یولّارا باخماسون ده ربابه گوزلری دوشسه آغلار سرابه واضحی قطب پرگاریم ئولدی . . قوللاری دوشدی کوی وفاده پیکری قالدی قولسوز اراده مرکب اوستن اولوبدور فتاده باشنی ویردی دشمن جداده آغلورام بس مددکاریم ئولدی . . اگلشین قیزلاری ییغ کناره اوخشیون آغلیون دلفگاره تاپمادیم قارداشا راه چاره سو نصیب اولمادی شیر خواره قارداشین ئولدی شیرخواریم ئولدی . . سولدی گلزار آل پیمبر قانینه باتدی شهزاده اکبر اوخلانوب شه قوجاقینده اصغر قالدی صحراده آغلار حرملر شه دلیجه ده انصاریم ئولدی . . “ ناطقا “ طول ایتمه کلامی کوفیان یوردی مظلوم امامی روح عباسه گوندر سلامی شاد ایله روح خیر الانامی ایله تکرار علمداریم ئولیدی