#روضه_حضرت_علی_اکبر_ع ناکام ایدن سنی داخی کام آلماسون بالا ذلتلن ئولدورن سنی ساغ قالماسون بالا دور تئز گداخ آنان سنه بیر آغلاسون بالا من حقلیم ئولونجه سنه سینه داغلاسام دینجلمرم خیامه سنی من آپارماسام (هیچ شاید لازم اولمییدی آپارا خیمه لره) آلجاق باباسسین گوز آچوب سینه داغلادی بیکس حسین دوباره بالاسین قوجاخلادی بیردن آتا بالا ایکـــیسی باهـــم آغلادی قربانلقین اوپردی اوحیدر سلاله سی آغلاتدی کائناتی حسین آه وناله سی یالقیز امام حسرتیلن باخدی اکبره دوردی حسین عباسینی آچدی سالوب یره روپوش ایدیب عباسینی اوقانلی پیکره الغرض آلدی قوجاقه یارلی مه پیکرین حسین حمل ایتدی خیمگاهه علی اکبرین حسین گورجاق بوحالی سیندی پروبالی زینبون (گوردی قارداشلار یالقیز قالوبلار، ابوالفضل دییر حسین ویرمنه عبانی گوتوروم،امام دییر ابوالفضل ئوزوم گرک آپارام بوجنازه نی،عباس بومنیم روحیمدی بووضعه قالوب) گورجاق بوحالی سیندی پروبالی زینبون باشه یتیشدی عزت واجلالی زینبون الله بولور نه حاله قالوب حالی زینبون بولمورم نه حالیدی شه آغلیوب دشمن گولردی بیر خدا عالیمدی بیرده زینب کبری بولردی (بیردن گوردولر هلهله ایدولر دشمن، امامین الینده جنازه ال چالولار امام زمان) گلمسیدین قارداشین اکبر باشی اوسته ئولردی (اوندا گوردرلر خانم زینب اله اوخشور،حسین ئوزوم بالاوا اوخشارام) اکبرین نعشین گتیردیم گل تماشایه باجی هم ئوزون گل هم خبر ویر ام لیلایه باجی