ای جماعت اکبریم جانانینه قربان گلور ▪️✨🍁▪️✨🍁 وداع حضرت علی اکبر🍂 مرحوم محمد تقی فرهادی (غمناک تبریزی) . ای جماعت اکبریم جانانینه قربان گلور رحم ایدون بیرجرعه باری سو ویرون عطشان گلور اوغلوم سیزه مهمان گلور . . بنزمز بو اوزگه قربانه علی اکبردی بو خَلقا وخُلقا شبیه جدّی پیغمبردی بو بومنیم اوغلوم دور امّا لیلیه یاوردی بو خیمده بی کس آناسین تا قویوب نالان گلور . . منده یوخ تا ایندیدن بو قانلی صحرایه گلوم تا ویروم بیرجه تسلّی قلب لیلایه گلوم اولدورنده سسلنون اوندا تماشایه گلوم حق یولوندا هرمصیبت چون منه آسان گلور . . بوحرم آهوسیدورقورخمازیقین صیّادیدن اورگشوب اَمن و اَمانه اوّل ایجادیدن صید ایدون قورخودمیون امّا دَمِ فولادیدن گورمیوب عالمده سوز خنجر برّان گلور . . ایلیوب زلف سیاهینی نشان قنبر کیمی بیرقلج بسدورآتاسی حیدروصفدرکیمی باشینی مشتق ایدون فرق شه کوثرکیمی وارث شیرخدا دورچون شه مردان گلور . . بو ذبیح آل احمد من خلیل کربلا کربلا بیت خدا دور قتلگه کوی منا تز کسون باشین اونی من ویرموشم حقه فدا باخمیون هاجر کیمی لیلا گوزوندن قان گلور . . اوز الیله ایلیوب شانه او زلف عنبرین بو گلاب اشکیله آخر یویوب گیسولرین راضیدور ایتسون پریشان کاکل مشک ترین ایتمگه قانیله زلف و کاکلین اولوان گلور . . غصّه دن یعقوب تک دیدمده یوخ نوربصر یوسف مصربلادورمشتری اولساز اگر خون بهاسی چوخ اوجوزدی بیرایچیم سومختصر قاتلین گورسه الینده بیر سولی پیکان گلور . . چوخ سوسوزدی بیر سولی پیکانه تشنه کام دور ایستیدن یاقوت تک رنگی زُمرّد فام دور سینه سی گنجینۀ شمشیر خون آشام دور ایتمگه زلفیین بسان شدّۀ مرجان گلور . . چوخ دولوب غملی اورکلر چاره یا صاحب زمان دورما گل وقت فرج دور دولدی ظلمیله جهان قور بساط عدلیوی ای حکمران انس و جان غصّه دن «غمناک» قلبیندن گورورسن قان گلور