اورکلر اولدی فراقینده باغریقان سید هایانداسان سنه قربان اولا بو جان سید ندن داخی او گوزل با صفا سسین گلمیر ندن علاقه کسیب سن ، هایانداسان سید اماندی قویما غمین سد صبریمی ییخسین اویان اماندی بو طوفانیده اویان سید اویان که چوخلاری گوزلور سنین هله یولوی اومید بیلیر سنی بیر جمع ناتوان سید اماندی قویما بو جمعیتی بئله باشسیز اولیدی کاش بو غملی خبر یالان سید خزان اپاردی سنی آیری بیر گلستانه یانیر غمینده ولی باغ و باغبان سید اگر چه اهل وطن دن، سن ایریلیب گئتدین آدین یادین دیریدی واردی تا جهان سید نه گونده گور شهدا جمعینه قوشولدون سنه گلیب دی نامه دعوت سنه عیان سید بیر عمر عزتیله خادم الرضا اولدون حیاتیوین ثمری اولدی جاودان سید سنین ردای شهادت مبار کین اولسون مسیر حقده ای شانلی قهرمان سید #هوشمند اجرا استاد زاهدی اردبیلی #شهید_جمهور #کانال_رسمی_مداحی_آذری 👉@azari_madahi👈