یا علی
.🍃🌷🍃🌷🍃🌷🍃🌷🍃🌷🍃
.
سید عظیم شیروانی
.
هر کیمین مولاسی عالمده شه مردان اولور،
چکمه سین غم کیم اونون هر مشکلی آسان اولور
کیمسه اخلاصیله دوتسا بو شهین دامانینی،
قدرده مقداد و بوذر، رتبه ده سلمان اولور
سنسن اول شاه قضا فرمان کی ابراهیم ایچون،
آتش نمرود حؤکمونله گول و ریحان اولور
گرچه اسماعیل ایچون خلق ایلده بیر قوربان کسر،
سندن اؤترو گونده عالم یاعلی! قوربان اولور
سنسن اول مشکل گشا کیم یا علی ،! آدین سنین
صدقله یاد ائده نین هر موشکولو آسان اولور
چکمه سین هر بیر ایکی دنیا آرا بیر ذرّه غم،
هر کیمین مولاسی عالمده شه مردان اولور
🍃🌺🍃🌺🍃🌺🍃🌺🍃🌺