یا حضرت زهرا (س) جان چیخانجا دِلِمون ازبری سن یازهرا فکرِمون نیّتِمون رهبری سن یازهرا طبعمون دفترِمون زیوری سن یازهرا گتورن خاطرِمه سوزلری سن یا زهرا نقشدور سر درِ قلبمده مبارک آدون دل آچاندان دلِمون ازبریدور اولادون گور نجه شورِله سسلور آدووی افرادون عشقووه تشنه لرون کوثر سن یازهرا سنه خاطر یارانوبدور بشرین خاکی شأنون اظهار ایلیوبدور سخن لولاکی آیه ی پاک طهارتده نشان پاکی نجبا جرگه سنون اطهری سن یا زهرا یارادان جلوه ویروبدی سنیله ایجاده ابر رحمت کرمون دهر گنه آباده سن فراست سوزونون اوّلی سن دنیاده سن شجاعت سوزونون آخِری سن یا زهرا فضلی دریا سنی دریا بویوروب الرّحمان حسنون لؤلودی قرآندا حسینون مرجان شأنِده شانِئَک اَبتَردی بنَصّ قرآن مرحبا ابتر ایدن ابتری سن یازهرا رهگشای ره اِنّیَّت و لِمّیَّت سن جوهر کلّ بیان و همه ی آیت سن ثمر سیب بهشتی سن اوزون جنّت سن حشر جنّتلرِنون بهتری سن یازهرا بوجهانون دادی سان دار بقانون دوزی سان مرتضی همسری سن خیر ورانون قیزی سان آسمان شرفون قانه باتان اولدوزی سان آغلادان حشره کیمی گوزلری سن یازهرا تشنه ی موهبت و مرحمت کوثری یوخ حسن و زینب و کلثوم و حسین نوکری یوخ یوخدی بیزلرده لیاقت که دیاق حیدری یوخ سن فقط حیدری سن حیدری سن یازهرا اودلی مسمار نیدر اهل شهادت شیره پنجه سی شیر حقون چیره گلر زنجیره اشکون هر قطره سی ما فوقِدی مین شمشیره سندیران اشکِله دشمنلری سن یا زهرا حسن اوغلون حسنُ الخیر گرامی خصلت عقلِده حلم سیاستده مقدّس رتبت کربلا شاهی بالان فُلک نجات امّت قانلو گردابِده سن لنگری سن یازهرا درس آلار اهل سخا موهبت و جودوندن شرم ایدر حاتم طائی کرمونده سندن کیم ویروب سائله یه طوی گیجه سی پیراهن سن سخاوتچی لرون برتری سن یا زهرا نوش جان سندن ایدوب شیر شهامت زینب سنی تکرار ایلیوب معدن غیرت زینب نطق و منطقده علی اُسوه بلاغت زینب احسن الله سن اونون مادری سن یا زهرا کوفه یه جرئت و نهضت بالاوی گوندردی بیر دانوشماق ایلدی خلق دیدی حیدردی شامِده حاکم شومه ورقی دوندردی بَجَرن زینب نام آوری سن یا زهرا عشقوون سایه سی بیز شیعه لره سنگردی ذکریموز فاطمه نعره لریموز حیدردی بیلِروق داعش دونی بجرن کافردی کافره خصم اولانون یاوری سن یا زهرا بیز حسین پیروی یوق جنگیده شوریده سروق ذوالفقار علی تک غیرت الینده اسروق کیم اهانت ایلیه سیزلره نسلین کسروق سندیران هیمنه ی کافری سن یازهرا محمد علی منتظری