▪️🎤زبانحال مازندرانی شهادت امام حسن(ع) ◼️◼️◼️▪️⬛️⬛️⬛️⬛️▪️⬛️⬛️⬛️ دل هر مرد وزن ره غم دپیته زینب حسنِ سه ماتم بهیته نصفه شو خوِرِ عزا بشتوسه شه برار حسنِ صدا بشتوسه بته خاخربلاکش زینبِ زار برو خاخر بعی مه غم گرفتار برو که سم مه کار ره توم هاکرده دشمن ته روز روشن شوم هاکرده الهی خاخری در این روزگار نهووه مرگِ شه برار گرفتار زینب بورده برار سرِ بالا بته تره چیعه خاخر ته فدا بته خاخر برو مسموم بهیمه مثل شمع زره زره توم بهیمه طشتی بیار مه ور مه حال خرابه جیگر پاره بیّه مه دل کبابه وقت بوردن بیه ای خاخر زار برار حسین ره ته هاکن خبر دار بعو تا دیر نیّه بیعه مه کنار وصیت دارمبه بووه مه غمخوار انده مظلوممه خاخر به دنیا برمه کنده مسّه ماهی دریا حسین بمو برار یار بهووه وقت مردن ونه غمخوار بهووه بته برار کی تجه ظلم هاکرده ته اوی کوزه ره کی سم دکرده حسین برار وصیت دارمه ته جا مه وصیت مو به مو هاکن اجرا مه نعش ره غسل هاده ای جان برار مره دفن هاکنین مه جد کنار اگر دشمن نشته میون گلزار مره دفن هاکنین مه جد کنار اگر مانع بعینه قوم نسناس برار جانه ته و جانه مه عباس نکنه خشم هاکنه اون دلاور بکوشه فرقهٔ نامرد وکافر نخامبه خون ریزی و کشت وکشتار نزاع بووه مه دفن سه به گلزار حسین جان بعد من برار امامی دلسوز ورهنمای خاص وعامی ته ونه کربلا هاکنی ایثار بکف بیری شه جان ره در رهه یار (صفا) یاری هاده دین خدا ره اتی بعو مصیبت مولا ره جناتیان #مازنی @navaye_asheghaan