#غزل
راه عشقون آخری گرچه سعادت گورسنور
ابتداسینده ولی اماج محنت گورسنور
عاشقون قلبین اگر مکشوف ائده حازق طبیب
هر طرفده مین دنه زخم و جراحت گورسنور
قان ایچینده چیرپینیر معشوقیچون دایم اورک
کیم بیلور دردین اورک ظاهر سلامت گورسنور
چوخلاری عشقین یولون ترک ایتدیلر بو دهریده
سوزلرینده دقت ائتسن مین شکایت گورسنور
جام عشقی رسمیدور هرکس چکه بیلمز باشا
زهره اوخشور باطنی ظاهرده شربت گورسنور
ترک ایده دنیانی عاشق من دمم فوت ایلیوب
اولمگی چون عاشقون مثل شهادت گورسنور
چوخ سجودیله اگرچه کشمیوب روز و شبی
هر عمل صادر اولوب اونان عبادت گورسنور
ساده بیلمه ای #عبادی راه عشقین سیرینی
چوخ عمللر ظاهرا عالمده راحت گورسنور
#عبادی_طارمی