¤(( غدیریّه ))¤ الیاس ملک پور: پیغمبره یئتیشدی فرمان غدیر خُمدا ائتسین ولایت امرین اعلان غدیر خُمدا محمدرضاصادقی(شیدا): تا گلدی سس کی " بَلِّغْ ما اُنْزِلَ إلَیْکَ " اولدی رسول حقّه برهان غدیر خمدا حاج محمدتقی جابری: الیوم آیه سین حق نازل ایدوب بوگونده تکمیله یتدی دین وقرآن غدیرخمدا حاج اصغر فرشچی( عدلی): دوتدی علی ، الیندن اول خاتم النّبیین اجرا اولوبدی امر سبحان غدیر خمدا حاج ولی الله کلامی: فرمایش ائتدی هرکس مولا تانور رسولی بیلسین علینی مولا هر آن غدیر خمدا سید جواد حسینی: وحیین امینی جبریل پیغمبره یئتیردی ائتسین ولایت امرین عنوان غدیرخمدا جلال لاله: بیعت اَلین وئریبلَر مولای عالَمِینه باغلاندی بیر الهی پیمان غدیر خُمدا اکبرملک پور: سقّایِ خُمّ کوثر فتّاح جنگ خیبر تاپدی به امر داور رجحان غدیر خمدا رحمت #عبادی_طارمی: جن و ملک ائدیللر شادی بوگون اورکدن عرش خدا اولوبدی الوان غدیر خمدا حسن تقی لو (سالک زنجانی ): تا مرتضی اولوبدور ثابت امامتینده معنا تاپیبدی دین و ایمان غدیر خمدا علیرضا جابری: اسلامیانه یکسر تاصحبگاه محشر اتمام نعمت ائیلوب یزدان غدیرخمدا محرم کریمی: پیغمبر خدایه فرمان یئتیشدی حقدن اعلان ائله علینی سلطان غدیر خمدا علی شوندی: قوزاندی تا" یَدالله "زیربغل گوروندی زینت تاپوپ بزندی رضوان غدیرخمدا علی احمدی: ملعونیدی مخالف اولسا بیری، بو امره اعلان ائل ه حبیبیم الآن غدیر خمدا محمدمهدوی مرام: خوشحال اولوب ملکلر ‌،آذین اولوب فلک‌لر امّا باتوب عزایه شیطان‌ غدیر خمدا شهنام آریانی (غریب اردبیلی): تا انتصاب «علینی» إئتدی «رسول أکرم» دلدن سؤیوندی یکسر یاران غدیر خمدا رضا غلامپور(دلپاک): تا وسعت ولای حیدر اولوب مبرهن تنگ اولدی اهل بغضه میدان غدیرخمدا محمد کاظمی زنجانی: فرمان وئروب پیمبر لشگردایاندی یکسر ختم رُسل سالوبدی طوفان غدیر خمدا احسان بدرخانی: همواره الله امرین، پیغمبرین پیامین کین اهلی ائتدی افسوس کتمان قدیر خمدا ادریس ملک پور: نعمانین اوغلی حارث بو امره اولدی عاصی گئتدی جهیمه ائتدی عصیان قدیر خمدا هادی کاظمی( عطش): جان اولساگرمحمد امرائتدی حی سرمد چون منتخب اولوبدی جانان غدیرخمدا رحمت #عبادی_طارمی: چوخلاری ائتدی بیعت سیندیری عهدین اخر کم قالدی مثل بوذر ، سلمان غدیرخمدا رسول بابایی: مولا ولایتیندن گل شیعه ائت حمایت چون بیزلره ائدیب حق احسان غدیر خمدا رحمان شاجری زنجانی: الله دان امر اولوندی پیغمبره ، علینی ائتسون مُعرفی هم بُرهان غدیر خُمدا صابر ثمودی: آلجاق پیام حقّی پیغمبر گرامی بو انتصابه اولدی خندان غدیر خمدا حاج جابر ولدپور(مژده): فرمایش رسولی اهل شرف ائشیتدی گَئتدی ولیّ حقّه ایمان غدیر خمدا دنیا نه قدری واردی لعنت آپاردی دشمن گِئتدی نچونکه راه خذلان غدیر خمدا مقصود ارفعی خسروشاهی: اعلان امر حق دن مومنلر اولدی خوشحال شمس ولایت اولدی تابان غدیر خمدا حاج بهروز کیمیا: برنامه ی دقیق ختم رسوله قالدی هر نانجیب وجاهل حیران غدیر خمدا اصغرگلمحمدی( دلجو): طاهادی جانِ عالم حیدر او جانه جانان جانیله بیر اولوبدی جانان غدیر خمدا رمضان نقاش( شاهد): تا خلقه راه حق و باطل مشخص اولسون ترسیم اولوب صراط میزان غدیر خمدا هاشم خیری: یوز یرمی مین جماعت بولودی علی ولی دی باشلاندی دشمنیِ دونان غدیر خمدا مهدی ملکی: سس دوشدی نُه سمایه عید ولایت اولدی جشنه اولوب محیا ایران غدیر خمدا الیاس ملک پور: یا واهِبَ العَطایا بر احترام زهرا ایسته اولاخ بقیعه مهمان غدیر خمدا سه شنبه ۵ تیرماه ۱۴۰۳ برابر با عید سعید غدیر خُم