نوحه جدید ورود به محرم
سلام علیکم
ایلیوب ماه محرم گئنه گویللرده حلول
قانلی کوینک گتیروب عالمه زهرای بتول
کیم بصیرتله باخا قانه باتان پیرهنه
اوخشادار بدویده گرچه اونی قانلی کفنه
قلبی غمنن دونر اول صحنه ده بیت الحزنه
بو هله کوینگیدی گور نه اولوبدور بدنه
دییر آیا نه گلوب باشیوه دلبند رسول
تا وئرر کوینگه زهرا آناسی گویده تکان
یاحسین سسلیر اول مادر ائدر اه وفغان
تیترییر عرش خدا نعره چکر کون و مکان
یعنی ای شیعه لر اولدی سیزه بوماه عیان
ائتدیلر خیل ملائک یئره بو امره نزول
خنجرین نیزه لرین کوینگین اوسته یئری وار
بویانوب قانه بو کوینگ اولوب اللرده شکار
بوغازین قانی اورک قانی آخیب مثل انار
درک ائدن بو غمی دنیانی بلی باشدان آتار
سوزومون وار سندی ایله سن عشقیله قبول
شیعه نون قلبی بو ماتمده گرک پاره اولا
کاسه تک قطعه به قطعه اولا بیچاره اولا
عشقه خاطر اورگین باشدا گرک یاره اولا
اولسا هریئرده حسین ماتمی همواره اولا
قلمیم اولدی غمین ویرمیدی چوخ مطلبه طول
#عبادی_طارمی