اربعین حسینی . ع .
_____________________
زینب گلوب دیداریوه قارداش حسینیم
باخ اربعین زواریوه قارداش حسینیم
ای باغ زهرا ریحانی قارداش
شش گوشه قبرین قربانی قارداش
_____________________
زینب جلالت وئردی عین و شین وقافه
عنقا کیمی شهپر ویریبدی اوج قافه
احرام عشقیله گلوب الآن طوافه
غم آغلادی غم خواریوه قارداش حسینیم
وصله یتشدیم یعنی چاتدیم کربلایه
عطرین آلوب گلدیم بو گلزار صفایه
شکر ایلورم چاتدی الیم خاک شفایه
عالم فدا در باریوه قارداش حسینیم
شش گوشه قبرین زینبه جنتدی قارداش
کانون مهر و مرکز الفتدی قارداش
ئولسم بو یرده دفن اولام منتدی قارداش
قربان گوزل آثاریوه قارداش حسینیم
ای بوریائیله گیدن جسمی مزاره
گلدی پریشان قیزلارین دور ائت نظاره
قبرین حریمنده گلوبلر آه و زاره
خوش گلدون ائت قیزلاریو ه قارداش حسینیم
شعر از رضوی زنجانی