بير عومردیر که  خلوت  جانانه  دلخوشام  عشقین یولوندا گلسه بلا جانه دلخوشام من فیض وصله مشتریم واردی تا نفس خلوتسرای عشق دی زندانه دلخوشام چوخدان بئله فراغتی ائيلرديم آرزو حقدن  بو لطف و رحمت و احسانه دلخوشام   گر  اینجیسم ده  گوشه  محبسده راحتم هر نه گله   مشیيت   سبحانه   دلخوشام نفرین اگر ائده م ییخارام  کاخ ظلمی من صبر ائيلرم  ولی غم   دورانه  دلخوشام بزم وصالي هيچ نييلن ائتمرم عوض باش سجده ده تشهد يزدانه دلخوشام یوخ غم اگر چی یوخ گوزومی باغلیان منیم جان وئرماقا بو یئرده  غریبانه  دلخوشام خوشدور چاتام وصاله قوری توپراق  اوسته من بیر بندیم که جلوه جانانه دلخوشام چوخداندي قیزلاريم منه حسرتدي  نيليیم آغلار گوزيله زلف پريشانه  دلخوشام ایللردی گورمیوب منی بیکس بالالاریم حقین رضاسی وار بیله هجرانه دلخوشام جان اوسته ده  گوزومده مجسمدی کربلا جدیم حسین اول شه عطشانه دلخوشام یاده سالیب مصیبتنی هر گون آغلارام هر بیر مکاندا اولسا عزاخانه دلخوشام کرب بلا خیاله دوشور آغلادیرمنی تا وار نفس بو دیده  گریانه  دلخوشام یاد ائیلرم او ساعتی کی قتلگاهیده سویلردی حق یولوندا آخان قانه دلخوشام من عشق اسیریم نه بلا گلسه راضیم عومروم چاتا بو حالیده پایانه دلخوشام هر اوخ دگنده جسمیمه وصله یاخینلیرام جسمیم بوکولسه نیزه و پیکانه دلخوشام بير بير بوياندي قانه  وفالی  كمك لريم ایمدی اوزوم ده  فیض شهیدانه  دلخوشام عشقينده هر نييم واريدي ائیله دیم فدا قرب عالمينده مين بئله قربانه دلخوشام یارب حسین سنونکیدی قانلار سنونکیدی سندن خدا بو لطف فراوانه دلخوشام جام بلانی نوش ائیلدی یار و یاوریم بیر قالمیشا م اوزوم کی بو پیمانه دلخوشام یارب اوزون علیم و کریم و رحیم سن سندن اولا نگاه  طبيبانه دلخوشام بذل ائيله ديم اوركده کی قاني مقاميوه کوی وفاده دردیله درمانه  دلخوشام سن راضی اول حرملریمین فیکرین ائتمرم گر آغلاسا رقیه یانا یانه دلخوشام لب تشنه تیغ کینیله باشیم کسیلسه ده نوک جداده نغمه قرانه دلخوشام من راضییم رضایتیوه هر نه امر اولا دریا یانیندا بو دل سوزانه دلخوشام عشقون ده قویسالار باشیمی گر کول اوستونه مطبخ سراده شام غریبانه دلخوشام بير خواهشيم واريمدي کرم  آستانیوه يول تاپسا شيعه لر هامي رضوانه دلخوشام عشقین نسیمی ائیله دی مدهوش دفتری  اولسا خلوص دفتر و دیوانه  دلخوشام #مدهوش ﷽🍁 ✨ اَللّهُمَّ عَجِّل لِوَلیِّکَ الفَرَج @rozeh_daftari1