•┈┈•❀🕊🍃🌸🌺🌸🍃🕊❀•┈┈
#عید_مبعث_مبارکباد. 🌹🌹🌹
#شعرترکی
بو گَلَن کیمدور باشوندا تاج کَرّمناسی وار
قاب‌قوسیندن گلورآیدان گوزل سیماسی وار
اولمویا تازه نزول اِیتمیش بُراق اوستن ییره
حامل وحی الهی منطق گویاسی وار
اوز گوزوندن لمعه‌لمعه نور باغِشلور عالمه
بو پیمبر کیمدی یارب طلعت زیباسی وار
لبلرینده ذکر اولاندا اِقرَه بسمآ ربّکَ
یِئر دیدی گوی اهلینین هاردا بیله مولاسی وار
قلّه عشقه ووروب اِنّا فتحنا پرچمین
کفری معدوم اییلییندیر بو یدِ بیضاسی وار
مسجدالاقصی‌دَه اولموش سابقینه مقتدا
افتخار انبیا دور رتبه‌ی اعلاسی وار
هرقدمده قوزانیر نعلی‌نین آلتدان کیمیا
سوزلری اکسیر جاندور جان فزا انفاسی وار
عزمی راسخ عشقی محکم عاشق ثابت قدم
باغلیوب معبودیله پیمان بویوک سوداسی وار
آرتوروب شال رسالت مین گوزلّیک قدینه
عرش فرشه زینت اولموش قامت رعناسی وار
سوره سوره متن قرآن نقش اولوبدور آندینا
قاشلاری قوس قزحدور نرگس شهلاسی وار
عقل کلِّ ایکّی دنیا، واقفِ کنز خفی
هانسی پیغمبر بونون تک لیلة‌الاسراسی وار
سید سالار محشردور شفیع‌المذنبین
جانب حقدن شفاعت ایتمَگه امضاسی وار
احمد محمود اَبالقاسم محمد مصطفی
لیلة‌القدرین مقامین گسترن احیاسی وار
ماسوی‌الله بوندان اوتری‌خلق اولوبدور جعفری
عزت و جاه و جلال و شوکتِ عظماسی وار
حاج رستمعلی #جعفری_صایین_قلعه‌ای
🌸🌺🍃🌸🌺🍃🌸🌺🍃🌸
کانال #شعرای_هیدج در ایتا👇
https://eitaa.com/joinchat/4128112887C04235b2b24